星期五晚緊係約下朋友飯局：）
繼續試新野！
Chelsea Garden & Restaurant從世界各地精選新鮮海鮮及時令食材， 主打modern fusion 菜餚。菜單包羅萬有，有好多你未見過、珍貴既食材，仲有精選海鮮和肉類菜式，西班牙TAPAS，最開心既係佢有素食選擇，岩哂我呢個食肉獸同素食朋友一齊黎：）餐廳分室內同室外，有一個充滿花園氛圍的室內用餐區和一個被新鮮香草和植物包圍的空中花園。
朋友聚會環境係首選，座位要夠舒服，可以坐足成晚傾到夠：）
呢間就夠哂Green，仲有幾分格調同特色，岩哂三五知己吹水食飯。
如果有需要仲可以包場，廚師團隊會幫你製作PARTY MENU以符合唔同活動所需。
空中花園既露天座位，曬住月亮飲返幾杯都唔錯呀！
等齊人開餐。
頭盤先上，係我既最愛♥
伊比利亞黑毛豬火腿配哈蜜瓜
伊比利亞黑毛豬黎自西班牙，算係頂級既食材，不過近年先Hit到香港。採半野放之餘，佢專食橡木子架，味道有陣陣木香味，加埋香香甜甜既哈蜜瓜，超好味！
香煎太平洋蟹餅
蟹有種不能抗拒既魔力XD
呢個蟹餅以多種太平洋盛產的鮮蟹肉(包括:Portunidae,Scylla Serrata, Cancer Pagurus…)混合洋蔥和其他多種香料制的蟹餅
仲唔洗自己拆，一啖一粒香口鬆軟。
地中海紅蝦薄片配牛油果沙律
我淨係食左地中海紅蝦薄片，好香蝦味又唔洗剝蝦殻，感覺好似食緊蝦味薄餅咁，好新奇！
一見呢個就哇哇聲，淨係個陣都贏哂：）
龍蝦一隻，三個食法，我食左龍蝦肉，好Juicy，仲要新鮮無腥味，必試！
馬賽海龍皇湯
少有我鐘意飲既海鮮湯，好足料，講得出既海鮮都黎哂報到，湯味鮮甜濃郁，係廚師每日新鮮淆制幾小時架。D海鮮食落都好味架，唔係湯渣黎架。
累積瀏覽 546914
全部攻略 1065
全部回應 167
