無痛告別黑頭、粉刺＠IPSA

好在IPSA帶黎及時雨，全新Pore Skincare Steps淨化細緻毛孔組合 (HK$280/set)，針對毛孔粗大同堵塞問題，由根源下手，兩個步驟、兩星期，幫你暢通兼收細毛孔。

即時黎個大掃除先得！

Step 1 粉刺溶解霜 Balm

望落好似潤唇膏，高黏附力既霜狀質地會黏住毛孔入面既粉刺黑頭，獨特油分配方高效溶解粉刺黑頭，唔怕毛孔越清越大。

用法都好簡單，洗完面印乾後拎出一粒珍珠大小既粉刺溶解霜 Balm，搽係鼻鼻／T-Zone等有需要既部位。

慢慢打圈按摩大約1分鐘，一按摩粉刺溶解霜 Balm就會變成油質，就好似用潤唇膏搽上鼻既感覺，邊按既時候會有少少微暖感，仲Feel到D黑頭粉刺慢慢浮出黎。

之後就可以過一過水啦。

Step 2 毛孔細緻液 Lotion

推走哂D黑頭、粉刺之後，最緊要收毛孔，唔係D污垢好快又進佔返，點清都無用。

呢枝毛孔細緻液 Lotion有雙甘氨肽用黎收細返D毛孔，仲有效預防新既粉刺形成。

有時清完鼻鼻既黑頭、粉刺會見到黑色點點，原來係毛髮黎架，所以特別加入左魚腥草萃取，抑制毛孔入面既毛髮生長，咁就唔會見到一點點黑色啦。

搽上鼻涼涼地，無魚腥味既，放心XD

成個鼻大約係2次份量，每日用都無問題架！

建議每星期用Step 1 粉刺溶解霜 Balm 1-2次就夠啦，而Step 2 毛孔細緻液 Lotion就連續用14日，我大概用左一星期咋，毛孔收細左唔少呀，效果非常有驚喜！

而且無痛又簡單，我要向零毛孔進發！！！

Website: http://www.ipsahk.com

Instagram: @ipsa_hk Facebook: @IPSAHK

「產品及有關資料由品牌提供」