投入天然有機生活@Natural Organic Life (上篇)

成份 : 天然茶樹油，薰衣草，海鹽，三葉草

唔講唔知天然海鹽有效殺菌、平衡T字位油脂分泌，有助去油脂粉刺、暗瘡、痤瘡、泡疹、修護受傷敏感皮膚。

用化妝棉沾上海鹽水，輕輕抹面兩次，之後再用清水洗面，便可搽上護膚品。氣味係有少少鹹既薰衣草味，抺落肌膚都涼涼地，感覺都幾舒服。

暗瘡大爆發期間，我手賤既關係擠爆左唔少痘，所以大家都見到有唔多唔少既傷口，但出奇地又唔覺「嗱」，過水後亦無太大既感覺。

暫時用左兩星期左右，暗瘡唔係無哂，但唔係好似之前咁狂生，效果唔錯呀！

♥ NOL 天然純正野生山茶花油 (HK$105/60ml)

由山茶花油，由野生山茶花籽提煉，不飽和脂肪酸含量達80%，並含有豐富之蛋白質、維生素A 、E，油質細膩容易被吸收、有效對抗老化肌膚，更可改善粗糙皺紋的皮膚。

噴霧頭，偏向滋潤感既油，有少少菜味，但唔特別去聞就唔多覺既。

夏天用既話，就咁搽上面我覺得有少少笠，所以而家通常會噴一下係手心，用雙手既熱力搓勻先再按壓上面，感覺清爽好多。

早上用可以當埋防曬，仲有助改善暴曬後引致的黑斑、斑點，淡化斑印，我雖然都會再搽防曬，但佢淡化我既痘印都真係有D幫助架。

除左可以當面部保養品，佢仲功能多多架。

可以舒緩及滋潤妊娠紋所引致的肚皮脹裂不適感。

NOL 所有產品，均以天然，有機材料為主，並以挑選有國際認証，認可的原材料為優先，尤其是擁有USDA，ECOCERT 這兩項國際認証，用以保証產品質素。

「產品及有關資料由品牌提供」