0

帶著 BB 返澳門。全世界最短纜車。觀光塔下美食嘉年華 (Day 3)

小地勤點滴 於 2018-11-22 14:15:51 發表  |  累積瀏覽 247

分類: ;地區:澳門

18.11.2018


早上,BB 姑媽跟我們到酒店飲茶。電視正在播賽車表賽,但當地人似看慣了,沒什麼感覺。澳門沒有太多配合 BB 的設施,香港商場的育嬰房沒找到,換尿片既地方也不是必然。


小地勤第一次遇上 BB 街外爆屎片,很徬徨。忘了帶 BB 衣服,BB 全身屎,一個人攪唔掂。幸好老公見我在女厠咁奈,都知道出事了,馬上找來嫲嫲幫忙。忙完一輪,我用自己的圍巾包實 BB ,就打道回府。幫小寶寶沖個靚涼再出發。


做人媽媽,的確是要實戰,相信下次小地勤會做得更好 。小地勤知道自己不是一百分媽媽,但我會慢慢學習,而且 BB 亦會自行適應,人仔的適應能力是很強的。


爸爸帶我們到屋企附近的二龍喉公園坐全世界最短纜車。單程2蚊,來回3蚊。我們買了來回票。其實小地勤是畏高的,可能我情緒影響了 BB , 他亦表現緊張。。。



山上景觀開揚,患有濕疹的 BB 在開揚既環境,皮膚突然由紅變白。空氣質素差導致 BB 濕疹發作,但小地勤我卻經常因 BB 濕疹而被怪罪。當濕疹 BB 的媽,思想要夠正面,內心要夠強大。



在山上行了一圈,爸爸抱住 BB 坐纜車回程。BB 突然無電,爸爸還是興奮拍照。小地勤都係第一次見到爸爸笑容咁燦爛。



澳門朋友推介爸爸到觀光塔下的美食嘉年華參觀一下。BB 可能水肚不服,又爆屎片,女厠排長龍,幸好男厠都有換片板,爸爸跟朋友們,幾個大男人幫忙下,成功換片。抵讚。


美食嘉年華場內不收現金,要先買儲值卡。中銀銀聯信用卡好似話有8折,可惜我地成堆人都無依張信用卡。買好野食,自己搵位坐,附近有好多長台長椅。我地買左成座啤酒,可以係小店內的長台慢慢坐。食左蝦膏雞亦,串燒,炒麵,牛排,喊蛋醬薯條,小地勤唔飲酒,老公買左杯泰式奶茶過我,味道。。。好奇怪。其實場內食物唔算平,不過氣氛幾好,令人好想幫襯。




逗留了兩小時,因為 BB 用盡能量,少何地爆喊,所以我地馬上回家。係嫲嫲到坐多陣,就步行到碼頭坐尾班船回屯門。由澳門回屯門,再坐輕鐵回家,只花了1小時半,比坐巴士的時間快了一倍,果然比錢就可以買時間。


今個旅程能夠坐巴士到澳門,坐船回香港,大三巴影相,跟 BB 坐纜車。很開心很開心。返工再攰,湊仔再辛苦,就算被爆屎片2轉,還是覺得帶著這個小麻煩外遊,是值得的。


在你獨立前,我同爸爸都希望可以繼續拖著你的小手,帶你去看大世界。


鐘意SeeWide的分享,給我們一個Like吧!
  • 攻略日期:N/A
    攻略地點:澳門
  • 攻略時間:N/A
    是次消費:N/A
0人比"掂"
  • 艾華斯 於2018-11-22 17:37:07 留言
    好耐無嚟探小地勤,估唔到你變化咁大呢!
    加油呀,每個人都唔會美,做媽媽都唔例外,盡咗力,小朋友會感受得到,加油
  • 舉報 回覆
  • No.1
  • 小地勤點滴 於2018-11-22 22:37:49 留言
    原文由 艾華斯 於 2018-11-22 17:37:07 發表
    好耐無嚟探小地勤,估唔到你變化咁大呢!
    加油呀,每個人都唔會美,做媽媽都唔例外,盡咗力,小朋友會感受得到,加油
    係呀,依1年由中女做左人地呀媽。每日都好忙碌,不過只要見到 BB 笑,就覺得再攰都值得 ♥️
    多謝你仲記得黎探我,我最近先開始有少少時間寫返日記。
  • 舉報 回覆
  • No.2
  • 小地勤點滴 於2018-12-10 18:06:14 留言
    原文由 1874飛飛 於 2018-12-09 23:19:14 發表
    BB 好定呀, 哈哈, 你會越來越掂!
    多謝你睇曬我最近既分享 ?
  • 舉報 回覆
  • No.4

最多能輸入300字

累積瀏覽 447437

全部攻略 710

全部回應 4283