帶著 BB 去沖繩。2018。11月。海洋館。美國村 (Day 3。Part 2)

26.11.2018

海洋館係每個去沖繩既人必去既地方。內裡有個大魚魟，可以睇住鯨鯊游來游去。

提醒大家一下，海洋館內餐廳唔多，所以最好先食飽才過去。餐廳係鯨鯊館旁邊，鯨鯊館內以及海豚表演附近的小食亭。小地勤選擇食飽才入場。

其實海洋館除左鯨鯊館要收費外，其餘區域都是免費開放的。泊車也是免費。小地勤跟老公大大話話睇過 4，5 次鯨鯊了。因此今次只係陪老爺奶奶他們過來。他們有他們去看鯨鯊，我們有我們看海豚表演。BB 們就自己訓覺。

海豚表演一日得幾場，想睇，就事前過去望下個時間表。小地勤睇左最後一場，4 點開始。就咁睇相，似唔似去左海洋公園 ?

假如大家未入過鯨鯊館，都建議大家過去參觀下。裡面除左睇鯨鯊，仲有其他海洋生物睇，仲可以摸海星，海參。。。小地勤預計下年或兩年後，等 BB 會自己行，就可以拖住佢入去重溫一下。我印象中，4 點打後會有折扣，又或者可以先在網上買定海洋館加其他景點的套票，那種套票很抵買。

今日海龜維修中，得返海牛館開放。海牛館外有個沙灘仔，好多人落去影相。可惜 BB 正在訓覺，否則我都想比佢踩下沙，踢下水。小地勤都係變態媽媽，喜歡影 BB 隻腳仔，哈哈。

行完一圈，就過去鯨鯊館出口接老爺奶奶兼睇標本。

係海洋館留底左約 2 個多小時，小寶寶就訓足咁奈，咁好訓，好厲害。可能依幾日旅行，佢太興奮。能量都用盡了。

約1小時多，就來到美國村。美國村長年都係咁有聖誕氣氛。晚上黎行下，影下相，帶 BB 感受下聖誕既氣氛。今年是 BB 第一次過聖誕節。美國村，小地勤多數黎影相，很少係到食飯。今日就食左間拉麵，好似叫追風丸，聲稱來自北海道。坦白講，唔太好味。不過食飽就算吧。

其實小地勤真係好細粒，個囝已經係半個我咁長。好彩佢唔算重，正係偏高，否則我條腰應該會斷。做人媽媽真係不容易。