又是每月一餐的時候，新年打後的飯聚，本身打算食中菜，但新年期間大家食了不少中菜，有點厭，於是揀了西餐，友人找了一間西餐廳，The salted pig ，久聞其名，都係豬，賀豬年，一於試下，thanks 友人book 位。
座落於諾士佛臺，餐廳酒吧林立，此店亦不例外，集酒吧及餐廳於一身，happy friday ，自然十分熱鬧，因用餐時限為1.5小時，咁到齊人先好入，相約餐廳門口等，見到餐牌，順便睇下食咩好。
餐廳內堂設計甚有英式農村風情，晚上時段，燈光昏暗，倍感型格，我們4人，坐的是卡位，坐位寬敞，更加舒適。
餐具學英文。
主打是豬的菜式，必要一試，還有其他主菜及小食。
Pink Blush，$75，mocktail，有番石榴及士多啤梨的果味，幾香甜，有種熟識的味道，似糖果味。
Blueberry Blast，$75，mocktail，友人的。
Tropical Punch，$75，mocktail，友人的。
Erdinger Dunkel，$88，小麥黑啤，友人的，食咸豬手飲啤酒，爽！
牛油果香芒大蝦沙律，$148，會食好多肉，叫碟沙律穩陣點，有牛油果、芒果及大蝦，十分吸引的配搭，芒果清香，不算太甜，突出了蝦的鮮甜，牛油果沙律菜味道清新，好醒胃的沙律。
肉汁芝士薯條，$98，熱騰騰薯條，芝士肉醬份量爆多，味道濃郁，每一啖都好滿足。
巴馬芝士蕃茄肉丸意粉，$148，好大件肉丸，肉丸口感軟腍，蕃茄味濃，意粉份量適中，幾好味呀。
招牌歐式脆皮乳豬(1/4)，$248，印象上冇打算叫這道菜，但味道卻是一讚，可說是意外的驚喜，脆皮乳豬，招牌菜之一，有4件，剛好4人夠分，聽到乳豬，即想起酒樓中式果種，今次係西式，外皮薄脆，肉質鮮嫰入口富油香，好滋味呀，薯蓉牛油味濃，香滑美味。
招牌德國咸豬手(1公斤、2人份量)，$298，招牌菜之一，咸豬手外皮鬆脆，肉質嫩滑夠鬆化，香口惹味，配菜是酸菜及薯角，酸菜中和返咸豬手的油膩感，唔會太漏。
食物有水準，價格合理，服務態度幾好，氣氛不俗，坐得幾舒服，有下次呀。
尖沙咀諾士佛臺1號地舖
