行李箱收納小TIPS：執行李時點樣又快又慳位?

唔少打工仔返工忙碌一段時間後，就請年假去旅行。今次，U SPACE迷你倉就教大家點樣有技巧咁執行李，從而達到又快又慳位，就算去完旅行買咗一大堆戰利品，都唔洗驚會塞爆篋!

1.最慳位摺衫法

好多朋友都習慣將衣服摺起平放喺行李箱，咁樣摺法要搵衫嘅時候好容易就會將啲衫全部整亂曬。其實，你可以將啲衫捲起然後放入個篋度，咁樣整齊易搵之餘，仲可以節省好多空間。如果你覺得咁樣放啲衫會皺?可以參考「美軍式摺衣法」，防止變皺之餘，放多幾件都冇問題!

2.一物多用

女仔去旅行時都會帶好多嘢，例如化妝品、護膚品、精緻飾物等等，有時仲會帶多一兩對鞋黎搭配唔同造型。咁多嘢真係帶多幾個篋都未必裝得曬，點算好呢?

其實方法好簡單，只要加啲創意，一物多用就得啦!

浴帽：將無用嘅浴帽套在鞋底，就可以直接放入行李箱裏面，唔洗用鞋袋咁嘥位，仲可以帶多幾對鞋添。記得將襪放喺鞋入面，慳位之餘又方便。

保鮮紙﹕出門旅行盡可能帶試用裝或者用小瓶分裝，如果擔心裏面啲液體會流出嚟，可以用保鮮紙覆蓋在開口位置，在擰上蓋子，咁就萬無一失!

隱形眼鏡盒﹕將少量粉底液倒入隱形眼鏡盒中，加多個密實袋。咁就唔洗帶支咁重嘅粉底液過去啦，唔怕重之餘仲唔駛擔心會跌爛添。

藥盒﹕將瑣碎的戒指、耳環等飾品收納在藥盒裏面，就唔駛擔心怇哋會唔見，而且藥盒體積小、唔佔位，非常方便。

3.大件衣服著上身

冬天出遊，衣服一般都比較厚重，如果想節省更多行李箱位置，可以將最大件同最佔位置嘅衫同鞋著上身。回程時如果唔夠位置裝，可以用真空袋打包放入行李箱裏面。真空袋可以自備，或者當地購買都非常方便。

以上既行李箱收納貼士，希望可以幫到大家。如果去完旅行之後，覺得行李箱同戰利品都好佔地方，不妨考慮存放喺迷你倉，為家中騰出更多空間!現時好多迷你倉都會提供迷你倉短租同長租服務，滿足唔同客戶既需求。想了解更多詳情或想咨詢迷你倉價格，歡迎瀏覽U SPACE迷你倉網站﹕https://uspace.com.hk/。