一家人北上，真係好耐未試過，起碼有6年了(回鄉証過期N年而加先續)，網上有好多北上遊玩的介紹，同據聞東門變左唔少，攪到好奇左，一於上去睇下，唔識路，好在弟有時都會上去可帶路，來個北上之旅。
雖然都知國內盛行電子貨幣都好幾年，有好多店子都有Ailpay、wechat pay等（HK而加都唔少)，但因為兩款我都係用HKD冇開通RMB，都係要唱定人仔了。
到羅湖轉地鐵去東門(老街站)，好近幾個站，但好多人買車飛，要排一陣（個站有深圳通買，類似八達通，不過唔係成日上就唔買了）。
去到東門，印象上好似變唔少，可能因為以前去到都係造衫﹐而加多左食買玩，店子林立，亦好多人。
經過見到有人玩X－game﹐似繩網加強版，感覺都好刺激。
途中經過見有不少呢款抽獎機，¥30，好奇試下，中伏。
見東門有不少串燒小食，經過見到呢間敢串就試下(據聞好多小店都轉得好快)，烤羊肉，¥10/2串，大串來的，入口好惹味，強勁的調味料，隱約食到羊羶味，因為燒得好勁肉有點硬，幾重口味的串燒小食呢。
北京烤鴨卷
地址：人民北路1001-15號(東門町美食廣場門口)
北京烤鴨卷，前排有一段時間好想食北京烤鴨，而加見到呢間小店有得食，用¥12滿足下都好既。
烤鴨卷，一盒¥12 ，有5件，小小的一卷，內餡有燒鴨、京蔥、青瓜及甜麵醬，外皮比較厚口感煙韌，烤鴨肉一小片，有青瓜之下多了一份爽口，味道普通，但可過下口癮呢。
邊食邊行影下相。
