帶著 BB 去名古屋 / 2019 / 六月 / 六日五夜 / 小地勤生日之旅 / 關西機場 / 伊賀 / 名古屋 (Day 1)

08-09.06.2019

當年加入地勤時 , 小地勤只是一個廿歲出頭的小妹妹 . 轉眼間 , 已經是一位三十多歲的熟女 , 哈哈 ... 這是我地 3X 的生日 , 也是我第一次個跟囝囝在外地慶祝自己生日的旅程 .

再一次的 4 大 1 小的組合 , 為了成功上機 , 零晨航班是最好了 . 一到關西機場 , 搵了一個安靜既位置 , 大家繼續小睡片刻 . 9 點攞車 , 10 點出發 , 第一站是最近機場的朝市 .

一個很細的朝市 , 不要有太大期望 . 這裡不是遊客區 , 所以當地人多 . 有海產 , 有疏菜 , 有水果 , 有熟食 ... 但不算吸引 . 路過想感受一下朝市氣氛 , 可以來逛一圈 . 免費泊車的 .

有一個小區 , 有幾張台 , 可以即買即食 . 新鮮炸的大蝦及小魚 . 應該是鰻魚來的 , 但很小支 .

仲有一個區域 , 可以比錢買爐買炭 , 即場 BBQ , 但講真 , 出面既海鮮真係唔太吸引 , 無咩選擇 . 因此我地逗留左倨半鐘 , 就再起行了 .

又到玩具反斗城逛下 . 小地勤係無飯煮婦 , 所以懶到咁既我 , 係玩具反斗城發現了 BB 即食粥 , 即食飯汁時 , 十萬個驚喜 , 自始 , 每次都買 40 到 60 包回香港 .

媽媽 Shopping 時 , 爸爸就帶左 BB 去玩車車 . 男仔天生都愛開車車的 , 玩左成個鐘 , 都唔願走 .

由關西機場開往名古屋市 , 需時 3 小時 , 中途不停於各道站休息 , 買小吃 . 約 4 點先黎到伊賀 . 一進入伊賀範圍 , 就會見到隱藏四周的忍者 .

本身無打算來忍者博物館 , 但車手需要落車休息下 , 所以我們就來到了 .

在四周繞了一圈 , 看下地圖 , 拍下照 .

連洗手間都有忍者圖案 . 名副其實的忍者村 .

有一間賣紀念品的小店 , 附近仲可以比錢扮忍者 .

一張成人票要 756 Yen , BB 免費入場 . 可惜我們太晏黎到 , 錯過了忍者 Show 以及上野城參觀 .

買好票都要等入場 , 門口有很多位忍者 .

女忍者好靚女 , 佢負責向我地講解忍者屋 . 入屋要除鞋的 . 一間咁細既屋 , 竟然有咁多機關 , 忍者們真係好聰明 . 介紹得好詳細 , 亦好吸引 , 值回票價 .

每位忍者 , 都訓練有素 , 身手敏捷 . 可惜我的小 BB 睡覺了 , 無緣睇到依場咁精彩既介紹 . 希望將來可以再帶 BB 黎多次 . 建議大家早點到來 , 買埋上野城的套票 .

睇完依場精彩介紹後 , 就可以去另一邊睇介紹 . 主要介紹返忍者既武器 , 配件咁樣 .

之後會再指示你去埋另一個區域睇忍者既秘密用語 , 溝通傳話既方法 .

原來有很多地道 , 被佢地離開 . 古時黎講 , 真係好厲害 .

其實上野城已經關門了 , 但一場黎到 , 無得入去參觀 , 都可以係外圍行一圈的 . 拍左紀念照 , 紀念一下曾經來過 . 有小孩後 , 小地勤都沒有美美的照片 , 我的電話 , 相機只有的的小孩 .

原來 , 媽媽依個身份 , 係可以咁瘋狂同變態的 !