前日睇到YellopenRice，介紹一間雙米餐廳，米之蓮+米豬連，聽落好勁，米之蓮黃店-主打是手造意大利麵，正所謂黃藍是政見，好食都要知，即想食一轉，但一經介紹勢必多人，只好留待過一排之後再去，點知，驚喜就出現了!第二日相約友人2人去到了銅記食，一月之星(即係在下)生日飯，去到大廈門口即諗唔通去呢間?點知真係呀~~~~~~thank小機>3<~想食即食到太好了~~~!
裝潢以黑白為主甚有格調，我們二人坐窗邊位倍感寫意。
LUNCH MENU SET，友人早一天前預訂了龍蝦意大利麵，實在太有誠意了。
是日餐湯-西蘭花湯，+$38，質感稠身，味道濃郁。
意大利香草包，口感鬆軟。
紐紐意大利麵配和牛肉醬，$168，牛肉味香濃，紐紐意大利麵，口感比較柔韌富彈性，美味。
手造意大利幼麵，半隻新鮮龍蝦，海鮮汁，$288。
老老實實真係好少食新鮮意粉，先睇賣相，手造的新鮮意粉，麵條較厚身，鮮明的蛋黃色，口感煙韌偏少許硬，正！個汁杰身加上十分掛汁，每啖都好鮮味濃郁，半隻龍蝦，肉質彈牙鮮甜，好味呢。
熱咖啡。
Red Wine Pear with Vanilla Gelato，+$38 ，來得呢到順便食埋甜品，據聞呢個甜品幾受歡迎，賣相精緻，口感滑爽，味道酸酸甜甜少許酒香味，配上雪糕更美味。
Crème Brûlée，+$38，面層焦糖香脆，燉蛋口感嫩滑，有濃厚的蛋味，味道香甜，好美味呢。
美味的意粉，水準之作，環境坐得舒適，服務態度有禮貌幾好，下次有機要再來呢。
題外話：臨走去埋洗手間，見到真係有接受到杜生意見～堅！
銅鑼灣駱克道459-461號 The L. Square 11樓
