新年前夕，放工約了友人到去Sanrio characters 新春市集，順便係銅記食飯，到了食肆林立的希雲街，有不少小店及黃店，食飯多選擇之地，已揀了一間心水cafe，6點多去到，因早去之下唔洗等位，之後7點幾就好多人了。
餐廳以黑色為主，型格設計，天花板上的枯樹甚有特色，金色獨角馬觸目，有復古之感，牆上的連儂牆，立場鮮明，主打All Day Breakfast及多國菜。
SET DINNER，精選二人晚餐，價格合理，要了set D & H。
南瓜忌廉湯，唔算好杰身，淡淡的南瓜味。
焦糖鮮奶咖啡，跟餐+$12，唔算好甜，都不俗呢。
No Boundary Deluxe至尊-無邊全天早餐，$128，六角形的碟子，賣相十分精緻，有煙三文魚、德國煙燻香腸、炒蛋、楓糖煙肉、波特菇、焗豆、蕃茄、粟米、沙律菜及小牛角包等，份量豐富，間中就會想食all day breakfast，可滿足下平時食唔到早餐的意慾，雖然多數都係現成貨，不過都會睇下用咩材料及炒蛋好唔好食同係味抵食，炒蛋份量多，唔算好滑正常水準，牛角包尚算鬆脆，楓糖煙肉香脆大片，蕃茄多汁，有沙律菜減油膩感。
可2人share。
菠菜汁雞肉野菌扁意粉，$98，菠菜汁感覺比較健康，味道清淡，雞肉份量適中，口感比較鞋。
適逢新年送的揮春及朱古力，感謝!
食物正常水準，價格合理，同餐具都幾靚，服務幾好，LIKE all day breakfast之選，支持小店。
銅鑼灣希雲街9號地下
