呢個時候冇得外遊(冇手信收)，大家就瘋狂網上購物，同事買了台灣的蘇老爺古味創新館-花生麥芽糖(似乎太掛住台灣了~)比大家開心share，經典原味花生手工麥芽糖，聽落好堅，包裝好可愛，好有懷舊之感，附有手套及較剪，好窩心呢。
打開，有滿滿的花生粉(早有預備張枱鋪定紙)，乳白色的麥芽糖，一層層一餅餅的，要剪開來食，最初以為會好難剪，因為麥芽糖睇落好硬，但原來都幾軟身易剪幾好玩，感覺上有點似啄啄糖，但呢個係剪的。
剪成顆粒即食，麥芽糖外層及內餡都係有好多花生粉，好香花生味，口感軟身帶少許黏牙，味道似鳥結糖的甜，幾好味呢。
好食又好玩~THANK同事呢。
