昨晚終於齊人喇, 約了小天使及糖張出來dinner, 這個約會可不容易啊! 前前後後差不多用上整個月才成事, 大家都希望找個好坐的地方慢慢傾, 小天使便提議到Pancake Colours Cafe & Bar, 我是第一次來的, 入到去的感覺有點暗暗的, 有點像玩塔羅牌的地方, 仕應為我們安排近窗口位置, 坐得幾舒服架, 一坐低三人即開始說過不停, 一邊說一邊睇memu的情況下, 是是旦旦的點了這個南瓜什菜野菌燴飯.
餐湯: 沒什麼味道, 好淡, 唔好咁啱我, 我比較喜歡酸一點的.
餐飲: 凍香奶朱古力, 尚算可以, 有朱力味之餘還有滑滑的淡奶味, 可能我們太多嘢講啦, 飲到最後, 朱力味開始被沖淡, 才發覺這杯朱古力真的淡了點.
主菜: 南瓜什菜野菌燴飯, 這個返而令我有點意外, 無諗個燴飯裡竟然是由南瓜蓉及芝士包著每粒飯來吃, 每口都能食到我最愛的芝士及南瓜.
最後當然來了餐後甜品啦, 但真的很失望, 沒什麼選擇, 一拿來便是這款慕絲, 心想:是芝麻味還是綠茶呢, 一入口: 嘩! 居然是咖~啡~味, 大佬呀, 可唔可以問清楚先呀, 你估人人都飲咖啡咩, 起碼我唔好囉, 其餘2個朋友都停了手, 我相信大家都對這甜品.........
因為今次約會我沒什麼時間準備, 只用上少少時間做了這幾款曲奇, 佢地見我既嘢食太多喇, 還未試過我的手藝, 就整比你地嘗嘗吧.
我覺得今次唧出來最靚的, 就是這款玫瑰花喇, 唔知你地同唔同意呢?
![]()
感謝 飲食二打六 提供以上資料
個人日誌: http://eaternote.blogspot.hk/
