出親旺角其實都唔知揀咩食好 (太多選擇喇), 行行下, 經過哩間門口, 比佢個名(咖喱)吸引左添, 好耐都未食過喇, 不如就入去試試啦.
晏就2點多入去, 店子裡唔太多人, 只係2枱客, 心諗: 唔通咁唔好食, 點解無人幫親既. 都入左黎啦, 好又一餐, 唔好又一餐啦.
你地睇, 右下角果碟嘢幾大碟, 唔好以為係小菜黎喎, 其實只不過點左個咖哩豬扒飯乍, 碟飯又超大碟, 連個汁都大碗過人既, 一個人點食得晒丫, 好在我地一向都鐘意點一個飯加d小食就算, 如果唔係.................晚飯點食得落呀.
我指既小食, 就係呢碟併盤, 入面有雞肉串, 牛肉串, 春卷同咖哩角, 加埋上圖個飯, 超飽呀.
地址: 旺角豉油街88號
感謝 飲食二打六 提供以上資料
個人日誌: http://eaternote.blogspot.hk/
