天氣實在太凍嗱,
常有人說食羊能夠保暖, 我係一位愛羊之仕, 當然唔會放過趁凍食羊尼個好機會啦,
這一整天, 無論午餐(小肥羊飲茶), 晚餐全都是"羊", 可以暖足一整天, 多麼的滿足哦!!
小肥羊已經食過好多次, 唔講勒, 今次就講下夜晚去食果間"巴依餐廳"啦. 這間殊不起眼既小舖原來好多朋友黎食過, 大家都覺得唔錯架, 我係第一次黎食, 好期待食物既水準同味道, 立刻入去試試先.
一入到去眼見枱枱都一大班一大班人黎食, 可想而知尼度食既嘢一定唔細碟啦.
手抓羊肉 ($200/大) - 嘩! 好大盤喎(相中已經食了不少的)點食得晒呀, 但食下食下, 又比我地清晒喎, 真係完全諗唔到添, 我其實唔係好明"手抓肉"係咩意思既, 一問之下原來從字面就可解釋到, 就是一塊一塊的拿上手吃便是了, 這盤羊肉應該係就咁烚出來的, 但勝在除一大盤肉外還送上一碗羊肉湯連埋一齊食的, 感覺上, 羊肉湯比手抓肉更加好味.
羊肉餃子 ($38/15隻) - 愛吃羊又愛吃餃子既我, 一定唔少得尼個啦, 一碟有成15隻添, 唔貴喎, 餃內既肉好有羊味, 又有肉汁, 但美中不足既, 係個皮太厚囉, 食少少都好飽胃咁.
烤羊肉串 ($30/5串) - bbq又係我既"飛化", 好野味, 唔羶, 唔食羊既朋友都可一試.
生燒羊仔鞍 ($160/7件) - 好多時係出面西餐廳食既羊勒, 都係燒到好乾無咩肉汁, 尼度食既就唔同, 相當好味, 的骨燒到有少少燶, 令黏住骨既肉有焦焦地既感覺, 但肉質依然嫩滑.
糖醋羊排 - 甜甜地味既, 同糖醋排骨差唔多, 唔算好特別, 不過總算啱的唔愛羶味既朋友.
羊奶 ($8) - 奶類嘢我一向都好啱, 咁耐都無機會試過羊奶尼家嘢, 梗係要order試試啦, 之前有人同我講過羊奶好羶, 唔啱香港人既口味, 但我係一個敢於嘗試既人, 無據羶味一匙放入口.........好似....乳酪???????唔羶, 甜甜地, 問個仕應至知, 原來真係唔係羊奶黎既, 佢話羊奶無可能從咁遠送黎香港仲新鮮架, 口味又唔係咁啱香港人, 所以佢地改用牛奶整喎, 雖然個乳酪都唔差, 但始終有的失望添.
地址: 西環水街43號地下
電話: 2484 9981
ps: 第一次去食, 咩都無準備, 無order留餸, 有好幾樣嘢想食但又order唔到, 又話賣晒, 有的order左既但又掛住食唔寄得影相, 算啦, 遲的有機會應該會再去食既, 留待下次再post多的相啦.
感謝 飲食二打六 提供以上資料
個人日誌: http://eaternote.blogspot.hk/
