澳門.....黎過N咁多次啦, 今次黎目的是要看看威尼斯人酒店有幾咁巴閉, 另一方面當然係為左食啦.
黎到尼條街, 本想食又平又靚既碗仔翅既, 行到舖頭發現佢由一間細細無坐位既舖頭搬前左少少, 變得有位坐但人又多左, 為左唔想等既關係, 黎左佢舊舖隔離既舖頭一試, 都ok喎.
芝麻糊係真材實料唔係沖粉果隻.
個蘿蔔糕四蚊乍, 仲有一條條蘿蔔比你見到添, 正.
跟住又搵到間未試過既舖頭, 一間平平無奇既荳品店, 居然.......
主打係荳腐麵喎, 吓! 咩嘢荳腐麵呀, 以為係荳腐做既麵添, 聽都未聽過, 但一試後, 發覺的荳腐真係好滑喎.
見的荳腐咁正, 梗係要食個我最鐘意既荳腐花啦.
三點後, 一定要入氹仔食豬扒包啦, 點解....無開, 休息, 白行一趟添, 唯有是旦搵的嘢食下啦, 我, 最想食乽係...甜品.
久違了的大菜糕, 一定要食原味, 正.
仲有尼個係Bitter Sweet(必達士), 其實咪好似木槺布丁咁, 不過雪硬左之麻.
到氹仔當然要行過黎威尼斯人酒店八下啦, 由手信街行過黎都要半個鐘架.
不過條路仲未舖好喎, 會唔會有的肉酸呢, 舖好至開張嗎.
太多人行, 變左條行人泥路添.
終於入到黎勒, 點解無威尼斯人撐船既.
尼個係其中一個入口.
嘩! 原來的威尼斯人入晒黎比人影相.
個大堂好靚喎, 頭頂的碧畫好細緻呀.
金碧輝煌條路既另一邊就係賭場勒.
門口大電視, 到止一遊必影之作.
搞完一大輪, 又夜又肚餓添, 例食明記牛什, 嘩! 好多人呀.
二十蚊, 咩都有.
食開街邊嘢, 一定要食埋恒友既咖哩啦, 一流架.
都係的車仔麵餸, 因為太多人, 是旦叫左幾款就算勒.
其實最重要唔係食佢既咖哩xx, 係要黎買走佢既咖哩膏至真.
食完咁多熱氣嘢後當然要飲返杯涼茶啦.
今日既節目告一段落, 食到咁飽, 不如行返酒店啦, 途經新葡京.
同永利酒店.
今次住既就係尼間星際酒店勒.
第二日, 一早起身食既早餐.
迷你點心, 可以食多幾件都唔怕卦.
其他蛋糕都好靚, 順便偷下私先.
過得黎澳門, 臨走時都要過一過黎買的手信既.
橫街內見到間台灣舖下次試下先得.
感謝 飲食二打六 提供以上資料
個人日誌: http://eaternote.blogspot.hk/
