2008-12-24
今日公司放早半日, 我地一班同事一齊飲完茶之後就放工啦, 公司都算係咁啦~
之後, 我就為今晚既神秘 x mas dinner 作最後準備啦~
話說之前查爸成日話我淨係整野食比mochaccino, 於是我就決定今年 x'mas 煮個聖誕餐比佢嘆下, 對我黎講, 真係唔係一件容易既事丫, 因為我真係冇乜煮過野架, 以前同太后一齊住, 我真係唔洗入廚房的, 太后真係當我公主咁服侍。加上, 我宜家住果度, 個廚房基本上係用黎放雜物同鞋, 基本既煮食用具, 柴米油鹽全部欠奉。
為左嚟果dinner, 我由12月頭已經開始準備, 先係諗個菜單, 再買用具, 真係要好多謝Ball Ball 媽同檬媽既幫忙, 先係12月頭上左Ball 媽度學煎牛扒, 佢仲陪我去買埋個煎Pan, 之後前幾日再學埋煮天使意粉同焗西籣花。而檬媽就先後陪我放工去買其他用具同D碟, 嘩, 完來一D靚既碟係好貴架, D刀同叉都唔平架........另外, 諗住用我學左既 x mas cake 做甜品, 點知我係屋企練習既時候, 查爸又走黎叫我教佢, 攪到我又要諗過第二個甜品, 日日就上網揾D又易整, 我地又會鍾意食既甜品, 開頭諗住整Puff的, 但係試左幾次都失敗左, 又要諗過第二樣..........最後揀左整芝麻布丁, 人地個食譜話個芝麻醬要係Sogo Freshmarket 度買, 我又賴醒以為一田或者City Super 都應該會有啦, 頂............點知真係得Sogo 先有得賣, 攪到我到今日正日先可以整, 幾驚會失敗丫.........嘻嘻, 雖然我都有買定盒即開既芝麻布丁粉, 但係就冇咁勁啦.............
買埋最後既材料芝麻醬, 就拿拿林返屋企開始啦.......三點鍾Start........最後, 嘻嘻, 八點半先食得, 因為中途出左D意外呢.........
其實個run down 我一早已經寫好晒, 之但係臨時要係當日整埋個甜品, 果度都用左唔少時間, 加上我又漏左D step, 又要由頭整過, 整完甜品都6點啦, 整爸竟然係黎個時侯就返左黎啦, 攪到我仲緊張呢..........佢果刻已經估到我地今晚唔係打邊爐啦~(我之前握佢話係屋企打邊爐)
第二個意外, 原來我有一邊既爐係壞既, 完本諗住兩邊爐一齊用架麻.....第三個意外, 就係新買果個煎Pan, 買左都未得閒煲下佢, 攪到我用之前先拿拿林洗下佢同煲下佢呢......又徙左D時間呢........
講左咁耐, 終於可以上菜啦~
▼ Salad 買既
▼ 買既, 成60蚊架
▼ 之後嚟D 我整既, 有粟米魚肚更, 多謝Ball 媽贊助魚肚
▼ 蒜蓉包
▼白汁芝士焗西籣花
▼ 紅酒煎牛扒
▼ 白汁煙三文魚天使麵
▼ 黑芝麻布丁
▼ 查爸話覺得好幸福呢, 佢話恨左我煮野比佢食好耐喎
▼ 我都好有成功感呀, 雖然我比自己今次得70分
▼ 因為我覺得我糟蹋左塊咁貴既牛扒呀.........嘻嘻
▼ Mochaccino 都有聖誕餐架, 就係乳酪雞肉通粉
▼ 我搞完成晚真係殘晒呀.............
▼個廚房好似打完仗咁丫..........
▼而我得到既聖誕禮物係我恨左好耐既........................
▼ 桃紅色指甲油呀~
▼ 仲有第二朝查爸煮返比我食既早餐, 佢洗埋碗添呀~
感謝 查媽美子 提供以上資料
查媽美子的網誌:http://littlemaychi.blogspot.hk/
