為左Mocha 生日會, 諗住親手整個蛋糕比佢, 好彩有Ball Ball 媽肯教我, 係上星期六就去左佢屋企學.
材料好簡單, 雞蛋, 低筋粉, 紅籮蔔, 麥片, 檻欖油, 原味乳酪, 我就睇住Ball 媽整, 幫下手咁, 原理就好似將d野攪埋一齊, 放入去焗咁, 但係對於我哩個唔識煮野既人黎講, 係一個好大既挑戰, 我學完個晚攪到訓唔着, 担心自己攪唔掂。
我搬左出黎住咁耐, 都冇開過業主屋企個爐架, 同埋我屋企冇沙煲冷餐, 筷子得一對, 加碗兩隻, 所以, 我除左要寫清楚點整之外, 重要寫低有乜要買, 都真係好多野要買, 少至匙更, 大至攪拌器, 第二日星期日我地就四出去買野..............
▼ 全部都係新買架, 除左個焗爐同個攪拌器係家姐比我
除左整蛋糕之外, Ball 媽仲教埋我整餅仔, 可以用模吸唔同既型狀, 材料都好簡單, 紫心蕃薯同麵粉, 我好快就儲左D模喇......
++++++++++++++++++++++++++++++++++++++++++++++++++++++++++++
2008-10-18日凌晨, 我開始整生日會既回禮餅仔喇, 我今次仲整埋南瓜味, 黃色個d就係喇, 紫色既就係蕃薯味, 我一共整左6包, 可惜我個爐唔夠勁, 人地可能20min 就得, 我就要30min - 40 min, 我整完餅仔都凌晨4點幾啦........
既然都係, 咁我決定整埋個蛋糕先訓下喇, 點知整完, 洗埋d野, 都9點, 都係唔訓喇, 訓左仲攰。
▼ 登登登..........登....... 我第一次整既蛋糕呀!!!!!!
個樣都OK 喇, Mocha 個名係用英文字母模吸出黎既蕃薯餅做架, 我中途仲唔小心整爛左個C字, 好彩唔係好覺眼啫!
最後, 真係要多謝Ball Ball 媽既悉心教導丫.....賣下廣告先, Ball 媽都會幫人整狗蛋糕架, 仲有餅餅同其他小食, 保證用料健康, 有興趣可以睇睇:
http://hk.myblog.yahoo.com/pocomug/article?mid=42&prev=43&next=41
感謝 查媽美子 提供以上資料
查媽美子的網誌:http://littlemaychi.blogspot.hk/
