登登登登~
啱啱過咗我生日, 亦即係可以同全世界人講:
朗朗就嚟做哥哥啦~
HAHAHA 以我既性格忍咁多日係好辛苦.....
呢次我真係投哂降.....
如果陀朗朗都係咁辛苦我真係未必生多個
已經唔少人問過我係咪好攰 OR 好唔舒服....
可能我個樣真係殘爆!!
同埋毎朝起身條腰都勁攰/痛
一路都成日見暈, 不論坐喺屋企, 公司都係
係坐喺度都想暈.....
又成日作嘔, 陀朗朗時都有, 但呢次係無時無刻都作嘔,
早幾日仲試過刷牙前因口痕食咗3隻角仔, 之後嘔哂出嚟....嘔到喊....
為食既我無乜胃口.....點解到12週都仲係咁架!!!!!
仲有既係, 我一路好多分泌同見紅.....
但發覺見紅只會出現喺我便便後 (當然唔係痣瘡, 位置唔同)
醫生幫我檢查咗係我子宫頸出面, 陰道個位有粒好大既血瘜肉,
要睇埋政府睇吓會唔會幫我挾佢出嚟
PS: 明天就去廣華做 OSCAR, 政府第一次產檢係月中
至於個預產期係8月11
![CafeMom Tickers]()
感謝 小天使媽媽 提供以上資料
小天使媽媽的網誌: http://angelakaman.blogspot.hk/
