自從朗仔出咗世之後, 日子真係過得特別快, 今日已經係 2 月 9 日啦! 計吓計吓就嚟新年, 但係我乜都未預備好呀, 只係今日叫咗老公唱利是錢, 乜野新衫呀新年野都未買......可能今年要過一個兩公婆著舊衫, 得朗朗一個有新衫著。
好似就快就過 2 月啦, 唔怪得 d 人話對住個仔 d 時間會過得好快, 原來係真架。我 3 月8 日就返工啦, 到時實掛死我啦。
日日對住個囝, 都覺得佢個樣毎日都有少少唔同, 我成日都忍唔住抽佢水, 係咁錫佢閒佢, 現在我毎次見到老公抱住佢既時候, 我都覺得好冧, 呢 d 就係一家三口好 sweet 既感覺
感謝 小天使媽媽 提供以上資料
小天使媽媽的網誌: http://angelakaman.blogspot.hk/
