中環老字號「九記牛腩」

尋日同友人C先生M小姐去中環睇畫展
話就話睇畫展, 其實係一個小畫廊, 展品只有7幅畫:P

咁多幅入面...我最喜歡就係依張
佢個姿勢好正!



Molly都有份客串呢^^

雖然好細, 但係我地不知不覺間都欣賞左半個鐘~
睇完就係今晚o既重頭戲!
食遠近馳名o既「九記牛腩」
聽就聽得多, 不過食還是第一次!


經過homeless見到的一幅得意棋^^


9點幾, 店內仲有好多人, 我地等左一陣就有位
受歡迎程度根本唔休做, 侍應都係粗魯阿叔, 服務態度都預左差
我地3個都係第一次o黎...食咩好呢?
依度招牌係牛腩, 就叫最普通o既牛腩河啦~
「河粉賣晒?」咁就叫伊麵啦...伊麵要加兩蚊, 應該有質素保證o既~
M小姐同我叫o既一樣, 而C先生就叫左個咖哩根腩伊

不到兩分鐘, 招牌麵上桌了~
第一個印象, 隻碗勁細...仲細過吉吉家細牛肉飯隻碗@@

好, 食一舊牛腩先, 不過不失啦, 幾有牛味, 不過好肥膩
但係唔知點解d牛腩越食越un...最後果幾舊我o趙左勁耐先吞到~_~
湯底比較油, 同埋偏咸, 好重味精
加左兩蚊o既伊麵果然冇令我地失望, 係幾好味~~
M小姐話:「伊麵好味過d牛腩呀」


至於C先生果個咖哩根腩伊, 有好濃郁o既咖哩汁, 味道ok的
唔見有湯, 似乎係撈麵, 據說幾好味, 望落我都相信
等我下次叫依個先~~

總括o黎講, 老字號o既野, 都係做遊客生意啦~
間唔中o黎開依頭食下就冇妨, 特登入o黎食我就覺得唔係好值
因為碗麵o既質素, 真係唔值$25

有一點要注意, 九記好巴閉, 員工食飯唔做生意架~
所以大家千祈唔好在7點3至8點半依段時間o黎, 只會摸門釘乍
仲有: 星期日及公眾假期休息
真係有性格

感謝 AABB遊世界 提供以上資料

AABB遊世界的網誌: http://aabbhappytravel.blogspot.hk/