博多拉麵龍亭 (沙田拉麵)

人均消費：HKD$72

我識得有個家住沙田既朋友，佢成日都呻話沙田都無間睇得上眼既拉麵。小弟不惜工本同佢去搵下。上網Search 左一間，佢係大圍火車站附近。附近大部份都係舊樓。間舖同同區有d格格不入。但一試就可以講，沙田區終於有日本拉麵。

首先講下博多拉麵，博多係日本既一個區，入面有好多拉麵，所以就係多人講既博多拉麵。所以就係咁既稱呼。

呢間博多拉麵龍亭，師傅會係你面前整碗麵，但有D唔同既係有塊玻璃隔住，咁就同日本唔同。



今次推介食物 ─ 醬油豚骨沾麵

沾麵既好處係麵還麵上，湯還湯上。我今次食既係每日限定20碗既醬油豚骨沾麵。醬油豚骨係個名就已經知有兩樣野。你唔好睇佢個顏色削削地，但其實佢係醬油+濃豬骨湯底。麵還麵上，湯還湯上既好處係麵身唔會因為長期俾湯浸湯而林，發漲或出鹼水味。所以麵身可選普通甚至硬身。

沾麵既食法就係你將D麵放落湯度，跟住食，你每啖都可以食到佢既濃豬骨湯係而又唔影響麵身，唔會咁易浸林麵身，又可以減少出鹼水味既機會。

蔥就真係可以唔要。

佢同其他拉麵店都係可以揀麵質、味道同蔥。咁有唔同既Mix & Match。Overall 計係好食。可以Recommend。

麵質：硬，普通，軟
味道：濃，普通，淡
蔥：要，不要

醬油豚骨沾麵 ($72)(smile)


蒜蓉同辣油 (個湯已經夠濃，普通蒜粒可以唔落)


師傅切叉燒，佢會按客量而切。

叉燒都係一絕既地方，佢將豬腩肉原條燒，燒好之後就放入凍櫃，有食客叫到先係凍櫃拎出黎，即時切片，成個過程都係睇住。仲偷影左一要。佢既叉燒都係半肥半瘦，very good.


好：D叉燒即日切即日食
壞：咸左少少

光顧日期：1 April, 2013

地址 : 大圍大圍村第九街10A地下
Openrice : http://www.openrice.com/restaurant/sr2.htm?shopid=105177

============================================

感謝 易風 提供以上資料

易風的網誌: http://yikfung.blogspot.hk/

============================================