不知不覺第4日，去Doutor Coffee食早餐先再出發去第二度。
好聖誕感覺。
Milano sandwich set，460yen。
Vienna coffee，奶味較重，味道香滑。
Milano sandwich。
有好多火腿呀，包鬆軟好味，好滿足的早餐。
之後出發了。
難波---千日前線--->鶴橋---JR大阪環狀線--->大阪城公園
基本上，又係一個唔洗看地圖的景點。
3人另類合照。
見到又有野食。
銅鑼燒，印有叮噹圖案，要了吉士味，銅鑼燒好香軟，吉士味比較淡呀。
炸雞皮，好奇試下，份量好多，好惹味，同時都好油呀。
開始紅葉。
今日原來有祭典花車-だんじり大阪城。
大家奔跑中。
不少人也跟住跑，場面十分熱鬧。
就到大阪城天守閣。
過橋時周圍影相。
到了天守閣。
似乎好多人都企係石級到觀賞。
感覺奢華壯觀，不過冇入到去博物館參觀呀。
回程時見到花車，不禁停留觀看。
陸續有花車來到。
大家都在車頂跳舞。
花車聚集一起，場面震撼。
時間差不多，係時候閃人。
友人買野飲，又係透明系列，係日本好盛行呀。
入夜去左梅田一轉。
周圍行下。
去了竹葉亭食晚飯，因為比鰻魚吸引了。
飲杯綠茶，抖下。
選擇困難中呀。
熱毛巾抹手先。
笹，2297yen。
好豐富呢。
先飲啖湯，好清晰的湯，像是芫茜湯，有強烈的味道，略帶點清新。
天婦羅，有海蝦、魚肉、秋葵等，口感香脆不油，好味呀。
刺身，魷魚爽口，鮪魚味道不俗。
好似是醃了的肉，鬆化的口感。
鰻魚肥厚，味道香口不膩，配上鰻魚汁更好味，白飯粒粒分明，煙韌又軟糯呢。
漬物，酸酸地好爽口。
有雪糕做甜品，好滿足呀。
返酒店，又去一轉familymart買宵夜。
明太子飯團，係梅田時買的，幾好味呀。
串燒，又係梅田時買的，味道不俗。
芝士同肉乾，送酒佳品。
Yogurt，都幾正呀。
今日又不停食了。
大阪城公園
梅田竹葉亭
