eyescream and CHURROS

雪糕 款式無奇不有，更愈來愈新穎。韓國人氣甜品「吉拿棒」x軟雪糕成了大熱，eyescream and CHURROS 即叫即做熱辣辣的新穎 甜品 有冷有熱，韓瘋滋味暖入心 ! 甜品店 有提供四款：吉拿棒、雪糕、綿綿冰、飲品 。好味又得意的新體驗。以下係探險家《 Kawai 》為大家作出既實地報導：「♥ 呃 Like 雪糕龍虎榜 ✿Eyescream & Churros / i CREMERiA ♥」上星期日,同朋友食完拉麵,又係時候出去找慰勞甜品胃了!前幾日,蘋果日報無啦啦搞左個'雪糕呃like榜", 什麼雞蛋仔雪糕也有....而四個項目我就最鐘意Eyescream & Churros!!!!它賣相的確不及那條MK魚, 我真係好鐘意食 Churros, 所以都係時候去拜會下!!前文已說天王那裡不設甜品,而Churros 其實o係正對面,整定我要見到間舖!!見到間舖就無可能唔食.....橫巷入面,舖頭都幾細間,只提供兩個座位,要預左邊行邊企邊食選擇並不太多, 有三大類 :棉棉冰 , 招牌 Churros , 雪糕 + Churros ,雪糕 + Churros 以膠杯裝上陣,雪糕味道可以自選 及 Churros 份量 (一份或半份)除了新出的抹茶味是42元,其他都是32元(半份) / $38(一份)最後我挑了新口味綠茶味,我認我是見到"新發行"先揀的,Churros 是即叫即炸,大概要等5-10分鐘,炸好後就會灑上黃豆粉,或者玉桂糖粉,Kawai 係重口味之人,當然係揀玉桂糖味啦!抹茶雪糕質感都屬於厚身的,不太易溶,但味道就唔太突出,不屬於好澀口的茶味,Churros 即叫即炸非常香脆,熱辣辣的,加了玉桂糖很好吃一熱一冷非常過癮呢!不過.....又再次地....隔離飯香.....覺得朋友杯 海鹽焦糖 比較好吃,果然是Signature 的味道, 不會很咸, 也吃到雪糕的滑溜感張相果然幫我呃到幾十個 like,哈哈!本來想食雞蛋仔,好多人等,加上食完拉麵 + Churros ,真心飽的!Eyescream & Churros紅磡德民街29號德民大廈B1舖 (12:00-22:00)(查看詳細攻略內文請按此)