居食屋「和民」(葵芳店)

居食屋「 和民 」在香港有多家分店，是間提供 日本菜 為主的 餐廳 ，除有 壽司 和 拉麵 等必備食物外，亦有不同的 小食 及甜品提供。以下係探險家《May姨blog》為大家作出的實地報導：「得得B生日」我地去咗新都會四樓既和民。現場播住音樂，都幾嘈下。人客要蓋過音樂聲講野，就要大聲D，變相就會越來越嘈啦。而且油炸食物都幾多人點，抽風系統好唔掂，所以好大油煙味，感覺上一身都係油煙味，勁過煮完飯出黎。因為主角食素，我就叫咗薯仔芝士年糕、一口豆腐。水波蛋芝士薄餅炒野菜佢唔介意食肉邊素，我同ANN就叫咗呢碗和民拉麵。實行佢食蛋，我地兩個食肉咯。我奉勸大家都唔好叫呢樣，依ｄ野唔係佢地廚房既強項黎．（奇啦，點解好似唔見咗呢張相咁既？）天婦羅蕎麥麵，HEHE，兩隻蝦梗係俾我地兩個食咗啦!　好奇怪，ｄ天婦羅只係暖架咋，唔係滾熱既．其實主菜係呢樣先啱: 栗子係自己烚既，用上淡忌廉，盡量減低甜度，主角話鍾意栗子同朱古力，所以Ａｎｎ就一次過滿足佢兩個願望。