Patisserie Uriwari 瓜破

Patisserie Uriwari 瓜破 是個新興的自家製作 蛋糕 和 甜品 專門店，由一班年輕人所創立，並自設製作室，再按訂單而新鮮製造。其 蛋糕 款式選擇眾多，亦有其他 甜品 如 菓子等供應。以下係探險家《山區麵包王》為大家作出的實地報導：「Fiat  Caffe：一飯之因」很想食特色蛋糕, 美心, 東海堂, 85C, Baby Mon cher食到厭, 想要新意...阿太建議:「E家興網上訂蛋糕, 地鐵站交收架~《瓜破》好日本Feel, 不如試吓喔」星期三晚要食, 前兩晚打電話訂貨, 老闆阿禧話「無問題」, 完全不需訂金, 交收時才付款, 我問:「你唔怕有人玩電話?」(《瓜破》Facebook圖片)阿禧說:「開業兩年多, 好好彩未試過有客甩底喎...最多係有個客早一日打嚟話取消, 咁我哋仲可以用返啲料做另一個蛋糕.」聖誕新年期間, 《瓜破》生意非常好, 五位同事要全部出動送蛋糕, 阿禧當日負責尖沙嘴一帶訂單, 同事JoJo就與我們交收, 所以未能見到阿禧真人一面..《瓜破》的蛋糕全部玩層次, 真的玩得很精彩, 絕對令人「過口不忘」, 「願」是聖誕特別版, 我個人最愛試限定東西啦.(現在已售罄!!)最初阿禧說熱情果會帶少少酸, 所以有點怕, 但一食入口就發現, 這點酸才是精髓.我實在愛死《瓜破》的慕絲, 又輕又香又好食, 朱古力慕絲配焦糖慕絲, 好食到你會叫救命, 我真後悔只買了一個, 根本不夠食.家人在說:「家陣啲後生仔, 都寫到咁靚嘅字, 都幾難得喎!!」婆婆今晚是壽星主角, 她望著閃閃的塑膠聖誕鹿,. 猶豫問:「可唔可以食埋架??」可能我預知一定不夠喉, 所以額外多買三件散裝…嘻嘻!! 忙中有錯, 我本來點的杯裝芒果慕絲「翔」, 今次換了「音」給我.  初時有少少失望, 因為外形一點也不吸引…但「音」食入口層次感更出, 伯爵紅茶, 夾牛油忌廉, 再夾朱古力杏仁蛋糕, 味道好濃好實在, 當中有軟有硬, 有滑有純, 雖然未及「願」精彩, 但都很好食.綠茶「円」 是為阿太點的, 果然對於一位茶痴來說, 她可以每食一啖就叫好, 再吃一口就讚正!!杏仁蛋糕配抹茶慕絲, 阿太豎起母指讚口不絶, 特別是中間的粒粒紅豆, 落足份量, 誠意十足. (原來阿禧說日本人最愛就是紅豆及粟子做甜品喎)一個非常神秘的Dome叫「瞬」, 是我和SY勁喜歡的朱古力榛子蘋果慕絲餅.再次重申一次, 《瓜破》的慕絲好合我口胃, 榛子朱古力配蘋果粒, 蘋果竟然可以不會發出半點酸味, 這個半球體, 簡直與「願」變成為我近期的最最最愛.(相片來源: 壹週刊2013年5月~壹盤生意)阿太問:「《瓜破》個名咁怪!!」我說是阿禧當年在日本讀書時居住的地方名, 2年前開業一腳踢到, 捱更抵夜, 今時今日, 阿禧已經是一間五人公司的老闆之一, 這種創業精神真的令仁敬佩.(相片來源: 飲食男女)事後八卦的我再致電阿禧傾計, 發現我們竟然是平行時空的同事, 真的很有緣. 如此有熱誠的年青人, 加上暫時我又未見網上有任何競爭對手可以威脅到《瓜破》, 雖然阿禧說租金問題:「暫時會Keep住網店模式運作」, 不過我想《瓜破》日系蛋糕的出色, 應該離成功不遠矣!! (相片來源: YesStyle網站 及 AM730)PS: 害羞的阿禧怎也不願給我一張工作照片, 他說:「哈!! 好尷尬喎…我影工作的地方相畀你啦!」於是我唯有從網上找來他的有型照充撐場面吧!! 加油呀!! 前同事!!