網上瘋傳，熱爆蕃茄飯，問過D朋友，佢地大多話味道都唔差。
既然咁鬼簡單，等我都黎試下。我比較貪心，買咗好大隻既蕃茄。
記住要認真D去洗外皮，去咗蒂，仲要係茄皮畫十字。
同平時咁程序去洗米，怕太濕可在放米水時略扣減少少，加上鹽同黑椒粉。再將蕃茄扒轉放入去，加少少橄欖油就可以照平日咁用飯煲煮飯架啦。
但我屋企係喜歡蒸飯既，所以我就用咗個有蓋既不鏽鋼兜去整，又貪心，加埋超甜粟米粒，增加口感。
一早起身蒸落飯就可以去梳洗啦，半個鐘後就搞掂。我話俾Bibi聽呢個就係近期熱爆既蕃茄飯啦。點知佢話: 一睇個樣就知唔好食啦。
咁話時話，我初初都好有戒心，白飯加蕃茄咋喎!
但煮好之後，壓爛個蕃茄，同D飯撈勻咗，就食得架啦。
只要調味得宜，都幾清新既，唔覺寡淡。間中換下口味都唔錯吖。
喜歡素食既你，或者都會鍾意架!
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
