大家都應該玩厭咗蕃茄飯啦掛?不如轉下口味啦。
冬菰浸軟、渣水、切粒備用(水份留起)。
瑤柱浸軟並撕開成碎碎，渣乾(水份留起)。
蝦乾浸軟渣乾(水份留起)，若發現有蝦腸就要清走。
娃娃菜洗淨，橫切成一厘米粗條。
不可少既即磨薑汁(先磨薑蓉再榨出汁液)
故事教訓我地，要將所有材料放在眼前，以免漏咗樣冇落。
先用油爆炒冬菰粒、蝦干及瑤柱，放薑汁及贊少少酒劈腥提味。
跟住放埋D娃娃菜去略炒，我地只要佢唔好咁撐起既唧。
放入鹽(唔好貪心，唔夠咸既話一陣仲可以補飛)，收火。
洗好米就將浸冬菰、瑤柱同蝦乾既水黎當米水，水份比正常煮飯略為少，就可以將上面既材料放埋入煲。大家有眼見啦，好明顯，我唔記得放冬菰呀!
好彩我未煮就發現，咋咋臨倒埋D冬菰入去，冇炒過既冬菰只係咁咁香唧，都唔會太影響味道既。
我係隔水蒸飯既，如果好似我咁煮一杯米既話，30-40分鐘就應該熟啦。
跟住可以撈勻，試下味啦，唔夠味就可以放多少少鹽。我唔喜歡放豉油，驚破壞佢既原味。
分開兩盒裝起
咁就夠我食兩餐啦
雖然材料唔豐盛，但味道亦相當好既。
祝大家食得健康。
============================================
感謝 May姨Blog 提供以上資料
May姨Blog的網誌: http://maylibibi.blogspot.hk/
============================================
