買餸都買到手軟0既一餐, 嘻嘻, 不過好開心, 可以同好
朋友分享, 人生有幾多個十年喎!
就係咁我地成大班就因為我想同一眾飯聚底下, 應邀到家
中歡聚一晚!
史無前例咁, 大煮特煮, 我黎講, 連麵包都自家製, 問你黎唔黎
先, 我咁有誠意 ! 嘻嘻!, 奇實真係多謝佢地賞面就真!
煙三文魚前後都食咗 2 碟! 咁即係證明品質都唔錯, 咁都放心 !
凱撒沙律, 攪爬地都要有 d 沙律先似樣嘛 !
黑椒海鹽燒牛肋排, 好肥美多汁, d 肉汁必出黎, 見到都流口水呀 !
英式芥辣燒羊架 , 仲有芝士配紅酒, 墨西哥沙沙醬配粟米片 !
肉醬千層麵, 冷盆係巴馬火腿, 沙樂美腸 !
日式麻醬豉油冰震苦瓜, 同埋六式冷盆, 可惜未放齊影,
唔記得齊個陣再影, 走鷄添 !
部份中式款式 ! 希望個個都有啱0既野食!
話梅豬手, 蒜茸牛油磨菇炒西蘭花.
鮑魚蠔汁生菜 !
糖心蛋, 都ok 架 ! 下次再整靚d , 無辦法, 太趕了, 而家先明白一
人公司真係唔易做, 我只不過一人做一餐比較豐富少少0既晚餐,
真係都好一頭煙, 時間同預算相差好遠 !
藍象咖哩牛腩, 好和味呀!
自家製pizza hut 款式蒜茸包, 香草牛尾 !
韓國泡菜年糕煮大蝦, 仲有地獄廚神食譜, 酒燴鷄 , 好味呢 !
鹽焗魚, 我鍾意, 入面又鮮又多汁, 好正架 !
燒鷄同蒜茸包, 我都係好鍾意架 !
最後都整d 生果食下先得架, 美中不足, 整唔設甜品啊!
朋友都好客氣, 好似過年咁, 買咗好多野黎, 真係唔好意思啊!
LC花花盅都有, Oh, 太正喇 !
