9 友人歡聚試菜 - 莊煮鐵板燒料理

友人歡聚試菜 - 莊煮

今日相聚在這個隱蔽0既大廈中吃鐵板燒,

是你嘛 !手執鮮花, 啦啦啦 !

這晚夜, 都係好友相會, 又係嘆世界時間, 食好野 !

摸下酒柸底, 叫咗支男山大吟釀, 噢 ! 美酒要配佳餚 ! 

其實係因為呢度0既美食, 要叫番支靚酒去襯托!

食咗碟沙律開下胃, 就黎喇喂 ! 口水都流埋喇 !

呢碟前菜裡面包羅萬有, 有幾種唔同0既魚, 銀雪魚刺身, 

我都係第一次食, 估唔到都好食架噃 !

仲有海膽同嚮螺.

好好味, 好鮮甜0既燒帶子, 細意品嚐 !

好大隻0既笑蝦蝦, 一 人一隻 , 大大隻 ! 爽脆彈口 !

啱啱好, 而家在調味方面, 已經唔會好似以前店舖咁濃了, 

因為現時個個都鍾意原味, 而且要咀嚼食物原有味道 !

燒鱔, 鱔肉軟滑, 好肥美, 但略厭皮硬了一點, 過火了少許.

燒廣島蠔,  蠔也很滑, 但因為配搭用咗蒜茸, 覺得晒

咗蠔0既鮮味, 雖然好好食, 但無驚喜.

呢塊牛係美國牛, 因為唔想食日本牛, 太肥, 太多油 !

太膩就食唔到喇 !

燒螺片, 前菜食咗螺片刺身, 而家食燒螺片 !

 

今晚食咗柚子雪皅同芝麻雪糕, 就這樣劃了完滿句號喇 !

食到咁上下, 廚師都會同客人傾下食物得唔得, 邊款最喜愛.

無論廚師同侍應都好貼心, 好好服務態度, 雖然地方細細, 但

係好舒服 ! 呢度唔會有大餐廳0既裝潢, 但有店舖0既誠意 !

因為開咗支大吟釀, 己經千多元了, 所以今餐係比較昂貴呢 !

唔係開咗支酒, 應該1, 000大洋可以了  !