太好味菠蘿炒飯

有時唔駛太多料, 太複雜都可以好美味, 材料落對就是 !

材料  (我今次用0既材料)

熟米飯 (我選用隔夜飯 )              1湯碗

蝦仁                                              10 – 12隻 (最好唔好咁細粒啦)

                                                                先挑腸, 洗乾淨之後, 落少許鹽和胡

                                                                椒粉醃5分鐘至10分鐘可以

菠蘿                                               1個  (大)  要預先起肉

腰果                                              適量, 要先炸好備用 (可用其他代替,

                                                                例如花生, 炸乾蔥)

鷄肉                                              2湯匙

提子乾                                          適量  (看自己喜愛程度) 臨上碟前

                                                                 拌勻飯或放在飯面也可

咖喱粉                                         1湯匙

蠔油                                             1.5湯匙

自己整菠蘿飯, 好好味架 , 未試過就更加要試喇 !

做法

1.        先將鷄肉醃好, 用生粉, 豉油, 糖, 麻油, 醃上

           半個鐘以上, 備用｡

2.        油鑊預熱了, 放入鷄炒至6 成放入蝦同炒, 炒

           至蝦仁接近熟, 倒入菠蘿, 炒兩下, 盛起備用｡

3.        下油炒飯, 炒至飯全熱時可放入剛才之鷄肉, 

            蝦仁, 菠蘿, 炒勻, 放入咖喱粉, 兜勻, 加入蠔

            油, 炒至比較乾身後可上碟了, 放入菠蘿, 面

            層放上腰果及子裝飾, 大功告成｡

牛肉, 九層塔, XO醬, 魚露, 都可以加入, 祗要你喜歡就可以, 

自己認為好味0既餸菜, 有時能夠配合自己喜歡0既食材, 咁

就食得更加暢快喇 !

另外菠蘿底部要切平少少, 因為菠蘿底部是圓的, 會碌黎碌去, 

切平少少就穩陣啦 !