今日打比前男友, 本來諗住比番d一齊投資所賺嘅錢佢. 點知發現佢原來係日本...覺得好出奇. 佢唔係最憎去旅行咩? 我直覺佢有新女友, 於是打去收風...結果朋友同我講佢已經拍咗個幾兩個月拖...當堂好嬲!
同佢先分咗手剛兩個月, 又係佢自己斬釘截鐵噉同我and我d朋友講如果同我分咗手短期內都唔會拍拖住. 點知噉快就拖新女外遊. 即刻忍唔住再打比佢問佢, 又話唔會拍拖住? 佢話而家轉咗. 我話當初你對我噉決絕原來就係因為識咗第二個? 佢話係兩回事. 我話同新女去日本旅行一定係你請啦, 我以前同你去旅行都要你出團費我出旅費啦...既然噉有錢請人去旅行噉投資賺嗰幾萬蚊你都唔至在啦...佢竟話至在架! cheap到. 之後可能條女係隔離, 佢開始九唔搭八, 仲cut咗我線. 再打去都唔聽...
覺得自己好笨, 竟然信佢. 佢係嗰d反轉豬肚就係糞嘅人, 我仲要傻到同佢玩均真, 諗住比番d錢佢. 真係白痴. 問過晒d朋友個個都話梗係唔好比番佢, 就算我唔比番哩幾萬蚊佢,佢仲有五萬蚊賺, 我仲比佢就真係白痴. 比錢佢去貼新女, 傻架! 你不仁, 我不義!
分咗手佢識第二個有佢嘅自由, 但唔好係度扮晒情聖, 可憐. 同我同我d朋友講又話唔會拍拖住, 扮咩唧? 同我講好ENJOY單身生活, 分手噉耐電話都無個...原來就同第二條女風流快活, 講大話! 佢最鍾意係我d朋友面前扮好仔, 背後我所受嘅無人知..人人覺得我唔好成日蝦佢, 指不過我EQ無佢噉高會面露晒出嚟, 佢就淨係喺無人時先對我衰.
跟本今次我覺得佢識咗第二個, 所以先對我噉絕. 有咩可能剛分手就同第二個拍拖? 而家好憎佢! 好憎佢成日扮晒嘢. 枉我以前仲信佢, 未見過D男人好似佢噉絕情, 反轉豬肚就糞. 我祝佢現任女友好運啦.
============================================
感謝 玻璃朱Bonnie 提供以上資料
玻璃朱Bonnie的網誌: http://www.bonniechucity.com
============================================
