今屆張門票唔夠上屆靚....
之前參加咗Master Card嘅世界杯門票抽獎, 中獎有機會以平價講買門票. 我當然唔放過哩個機會...選晒英格蘭嘅場去買...結果真係抽到, 佢以每張$240歐羅(大約$2400港幣)比咗三張7月5日係慕尼黑嘅semi-final門票我. 比成正價平咗一半 今日終於收到張飛, 好開心! 因為上次我去日本睇八強參英格蘭對巴西, 一張票都要萬二蚊港紙...雖然好貴我都覺得值得...可惜英格蘭輸咗...
今次, 只要英格蘭喺b組係首名出線, 贏多兩場就會到哩場semi-final, 唔係好難. 佢自己組最強係瑞典, 其他都好"渣", 跟全16強對a組次名...a組除德國其他都好"渣", 所以a組次名唔會係德國...之後八強有可對c組次名及d組首名. c 組勁嘢有阿根庭同荷蘭, d組就有墨西哥可葡萄牙...唧係佢哋是但一隊...只要捱過哩關就有機到我嗰場哪...加油呀英格蘭...
其實今年英格蘭可以講係最勁嗰屆, 前鋒有朗尼, 奧雲. 中場有碧咸, 林柏特, 謝拉特, 祖高爾, 後衛有李奧費迪南, 泰利, 加利仔, 蘇金保...龍門Paul Ronbinson又fit....直頭係勁....希望佢哋今年加油...朗尼靠晒你啦..
萬一佢哋噉唔好彩唔可以首名出線, 我就賣咗d飛佢算囉或者...仲未知點啦...
============================================
感謝 玻璃朱Bonnie 提供以上資料
玻璃朱Bonnie的網誌: http://www.bonniechucity.com
============================================