９日８夜嘅日本之旅完結了，今次係我去日本噉多次最開心嘅一次．哩次嘅經驗真係好難得，全靠有日本嘅朋友幫忙，先可以噉順利完成．
本人一向十分喜歡賽車，對頭文字ｄ漫畫及動畫更是喜愛．當頭文出了遊戲機之後，更花了不少心血去鑽研．更加入了一班同樣喜歡頭文賽車遊戲的車隊，一起交流．眾所周之頭文漫畫除了人物是虛構外，其他賽道及環境皆屬實．遊戲版內之賽道更是跟真實接近一樣．．．我們幾位隊友一直希望可到實景，幾年後今天終可如所願，亦係全香港第一隊車隊一次個到達群馬全部賽道．．．實在十分興奮．
我們於東京租了兩部私家車，出發到群馬縣．先到妙義及碓冰；想不到妙義山是那樣美麗，還可以看到櫻花．碓冰原來是很多灣，好易暈車浪．．．之後去赤城秋名；赤城原來成個山真係紅紅地色，赤城神舍亦好靚．秋名原名榛名山，真係有個秋名湖，真係有個塔係起點，五連彎真係可以落溝．．．最後去八方原同依呂波，ｄ賽道同街機真係一模一樣，我哋仲係八方原見到架AE８６啦．．．不過揸嘅唔係托海，係個肥妹仔啦．．．
我會張ｄ相整理好，然後放上ｂｌｏｇ做個頭ｄ之旅日誌比大家分享．．．
我番嚟哪，又要開始工作，同覆大家嘅留言，要大家等噉耐唔好意思啦．．．
好唔開心，之曼聯輸咗比車仔，朗尼仲要整親隻腳踢唔到世界杯啦．．．英格蘭奪標大打折扣．．．好唔開心
============================================
感謝 玻璃朱Bonnie 提供以上資料
玻璃朱Bonnie的網誌: http://www.bonniechucity.com
============================================
