尋日成日留咗係屋企，下年起身睇七人欖球賽，好剌激．之後就一次過翻睇頭文第四輯２４集．中間仲睇埋曼聯對保頓場波．對咗部電視成日， 但係好開心．
曼聯打慣逆景波，先輸一粒連追兩粒佢哋最興．今次一樣，朗尼今場踢得麻麻地，沙夏反而好好，不過我都係鍾意雲佬， 佢有波入我都好開心．而家佢地同車仔只係７分之差，仲要踢少場同嚟緊仲要同車仔踢一場，哩兩場只要贏晒就只係得一分之差，絕對有機會威脅車仔爭聯賽錦標啦．．．加油呀．
睇成十個鐘頭文，真係好好睇．最正係啟介同星野神之腳嗰場，好剌激．第四輯ｄ畫又靚ｄ配樂又正．真係好好睇．動畫已經完全追上漫畫了，我諗有排先再有第五輯了．．．
三點哪，好攰要瞓哪．．．
============================================
感謝 玻璃朱Bonnie 提供以上資料
玻璃朱Bonnie的網誌: http://www.bonniechucity.com
============================================
