8 TSUM TSUM 疊疊杯

早兩個星期同大家分享咗「美心西餅」聯同迪士尼推出的第一階段《TSUM TSUM 疊疊甜品杯》，分別是三款限量版的三眼仔、巴斯光年同米奇，今個週末趁暑假結束前，就一於帶埋第二階段推出的另外三款甜品杯，跳跳虎、小熊維尼和史迪仔 ($32@) 回家，同屋企人齊齊 happy share。



上次嗰三款甜品杯的造型，相信大家都仲記得，三杯之中，個人最喜愛就是外型有點嬲嬲豬的巴斯光年，樣子超可愛，好得人鍾意。至於今次呢三款，唔知大家又估唔估到是甚麼口味呢？

先試這款「跳跳虎」，原來這杯色澤黃澄澄的甜品，是以香甜的芒果打造而成的楊枝甘露，配上味道酸甜適中的西柚，冰涼醒胃，很適合夏天享用，加上「跳跳虎」的 cute 爆外形，相信小朋友一定勁 like。



至於圓碌碌的「小熊維尼」及造型萌爆的「史迪仔」，前者其實是木糠布甸，馬利餅夾雜著甜忌廉和煉奶，口感細緻，層次分明，甜味足但又完全不膩；而後者「史迪仔」其實是牛奶布甸，入口奶香十足，質感滑溜得來又夠清甜，味道亦十分討好。







其實今次「美心西餅」聯同迪士尼推出的整個 TSUM TSUM 蛋糕甜品系列，除了之前介紹過的 6 款《TSUM TSUM 疊疊甜品杯》外，還有面層佈滿新鮮士多啤梨的《良朋共聚草莓蛋糕》($288/1.5磅)、《三眼仔芒果慕絲蛋糕》($188) 及《勞蘇草莓慕絲蛋》($188)，選擇非常豐富，買一個為朋友慶祝生日，換埋個限量版 TSUM TSUM 購物袋 (+$58) 俾佢，對方一定開心到爆！

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================