![美心西餅的相片 - 太古)]()
提起
Frozen《魔雪奇緣》，相信大家一定唔會感到陌生，對，它就去年美國一部由迪士尼電影公司發行、以電腦動畫技術製作而成的音樂奇幻喜劇。咁唔知大家有無掛住動畫裡面的主角愛莎女皇和安娜公主呢？ 筆者近日就發現原來《美心西餅》於今個冬季亦推出咗一系列以【FROZEN】為主題的甜品及蛋糕，當中包括有《魔雪奇緣 1.5 磅雜果蛋糕》及《Frozen 水晶世界甜品杯》，唔少得的當然有兩位主角 Elsa 同 Anna 喇，係咪好心急想帶佢地返屋企呢？
![美心西餅的相片 - 太古)]()
無問題，咁就先帶這兩款最易 handle、一白一啡的 《Frozen 水晶世界甜品杯》 ($42/杯；現金價 $68/2杯) 回家，和家人齊齊分享。
![美心西餅的相片 - 太古)]()
兩個甜品杯造型非常特別，外型成個水晶球咁，既華麗又精緻，而且仲分別有朱古力慕絲和白朱古力慕絲兩款可供選擇，啱曬愛好不同口味的美少女。
![美心西餅的相片 - 太古)]()
![美心西餅的相片 - 太古)]()
先介紹我至 like 的
朱古力慕絲甜品杯，我烏龍到爆，竟然以為中間插著的 Elsa & Anna 是裝飾膠牌，還大鄉里得自己拿了另一隻匙羹來吃甜品，之後才發現原來這個靚靚膠牌竟然是匙羹，真瘀皮。當然這個夾雜著粒粒鬆軟的棉花糖、面層香濃的朱古力片、和柔滑的朱古力慕絲於一身的甜品杯，見到都已經令人垂涎，也難怪我會開心得到得意忘形喇！
![美心西餅的相片 - 太古)]()
![美心西餅的相片 - 太古)]()
至於另一杯
白朱古力慕絲，由於筆者對白朱古力向來興趣不大，本來還以為入口會又甜又膩，但想不到內裡的慕絲吃起來竟然幾香醇綿密，配上甜度不高的白朱古力片、和甜美的士多啤梨，味道亦很不錯。
![美心西餅的相片 - 太古)]()
其實除了兩款甜品杯外，剛才亦有提過【FROZEN】系列還有一款魔雪奇緣 1.5 磅雜果蛋糕 ($288；現金價 $238) 現已於門市有售，看過蛋糕表面原來滿佈白朱古力及棉花糖，仿製成冰雪世界的情境，而蛋糕中間則放上主角 Elsa & Anna 的旋轉玩具，望落去好似一座白雪森林般，勁吸睛。
![美心西餅的相片 - 太古)]()
當然如果各位打算嚟緊開 Christmas Party，又想訂一啲較有新意的蛋糕，亦可考慮一吓愛莎女皇 3D 立體蛋糕 ($1,280)、愛莎與雪寶白色冬日蛋糕 ($288/磅) 或安娜與基斯托夫冰雪之旅蛋糕 ($288/磅)，不過由於這幾款蛋糕全部都是限量發售，要買就趁手喇！
============================================
感謝 mjqueen7e 提供以上資料
mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong
============================================
