情迷美味雞煲

公司同事向來愛捐窿捐罅，四出覓食，而且是個標準「雞煲迷」，有見近日秋意漸濃，早上傳來陣陣涼風，已急不及待嚷著要去吃雞煲火鍋。筆者雖然說不上是個「雞煲狂熱分子」，但一想起麻辣雞鍋那種先香、後麻、再微辣的口感，就已經讓人心癢難耐，好，一於坐言起行。



早前獲悉「香港地」推出了《極尚雞煲系列》，以多款不同的滋潤食材，熬製出兩款惹味的雞煲，當中包括有《麻辣花膠雞煲》及《胡椒豬肚雞煲》。嘩，聽落好吸引喎，不但有我愛吃的胡椒豬肚，甚至連矜貴的花膠都出動埋，真令人期待，決定相約友人來一試。







入座後火速點了《麻辣花膠雞煲》及《胡椒豬肚雞煲》各一客，另配兩杯清熱的《凍蜜糖山楂雪梨茶》。先試麻辣花膠雞煲 ($138)，成品除了有嫩滑的雞件外，還放入了口感潤滑的花膠，加上以香料熬製而成的醬汁，吃起來麻辣鮮香，非常滋補，而且售價亦算親民，貴氣得來又夠實惠。



至於另一款胡椒豬肚雞煲 ($108)，叫得雞煲，成品當然以雞件為主調，另配上爽口彈牙的豬肚，而湯底方面就加左唔少菜乾，再配合微辣的胡椒來製作。先呷一口湯，味道辛香得來又唔嗆喉，而且入口還充滿胡椒香味，加上滑溜雞件及爽脆豬肚，吃起來超級暖胃驅寒。



怕唔夠飽？ 唔使擔心，原來兩款雞煲均可另配薯粉 ($10)，當然要點一客試吓，索滿了醬汁精華的薯粉，入口煙韌惹味，用來配埋這杯凍蜜糖山楂雪梨茶 ($13@) ，既解渴又滋潤，而且更可以為火辣刺激的雞煲降一降溫。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================