ROUGIÉ 新煮意

試食活動

如果拿鴨肝與鵝肝相比，相信後者必定是較多人認識，皆因這桌上美饌，吃得人滿嘴油潤，而且口感甘香幼滑，入口即溶，當然令人趨之若鶩。不過原來鴨肝味道一啲都唔輸蝕，聽一個曾做廚的朋友聽講，鴨肝煎封後油香豐腴，層次更加複雜，而且脂肪較少，所以近數年間，鴨肝亦愈來愈受歡迎。



筆者早兩天就應邀出席由 Ocean Three X Rougié 安排的新煮意 Cooking Class，從法國請來米芝蓮星級廚師 Cedric Touchard 開班，親身示範如何炮製三道以鴨肝為主的法亞 fusion 菜式。嘩，可以近距離觀摩這位法國  ROUGIÉ  御用烹飪顧問的精湛廚藝，實在太開心了，在此先要說聲多謝。

未上課前，當然要先介紹一吓今晚的主角，《法國鴨肝》喇。據說這包 Foie Gras 是用咗嶄新急凍技術包裝，以鎖緊鴨肝油脂及保存其幼嫩度，所以吃時無需解凍，以慢火在平底鑊上烹煎即可享用。

先煮第一道菜，菠菜香菇伴鴨肝伴香煎鴨肝片。主辦單位非常細心，由材料以至烹調步驟都已經一早列明，大家只須專心睇示範，完全唔使抄 notes。

Cedric Touchard 還即場邀請了幾位俊男美女做助手，互動交流，體驗煮食樂趣。

鴨肝用平底鑊煎香至兩面金黃色即成。

一個人要煮廿幾人的分量，一點難度都無，真不愧為星級大廚。

以菠菜蓉同香菇伴吃的鴨肝，吃起來外脆內軟，入口鬆化，加上柔滑的菠菜蓉、厚身的香菇，夠曬甘香惹味。





接著示範的兩款鴨肝菜式，都用上生果入饌。先介紹這款香煎鴨肝柚子沙律，個醬汁竟然用咗羅望子、椰糖及魚露等製作，難怪件鴨肝吃起來集鹹、酸、甜於一身，充滿泰式風味；加上伴吃的柚肉，清甜不澀，更可減輕鴨肝的油膩感。



壓軸示範的是香辣芒果伴鴨肝，原來成品不但伴上甜美的芒果肉，而且仲放咗切碎的椰子肉，並調入法國紅椒粉吊味，唔怪得件鴨肝入口甘香柔滑之餘，仲多咗份辣勁，開胃惹味，非常適合夏天享用。

其實當晚每一道菜都會以一款唔同的美酒配搭，不過由於筆者不善飲酒，亦不懂品酒，所以只喝了場內供應的 Wolfra Juice。原來這款無添加純天然果汁是來自德國，據說成品絕無添加糖分、人造色素、調味劑及人造維他命等，是 100%  純天然的果汁。而筆者當晚就試了這款以血橙、百香果、檸檬及檸檬汁混合製作的橙汁，味道芳香清新，的確唔錯。





其實除咗鴨肝、美酒外，場內還有不少貨品，如調味料、風乾香腸、各國新鮮生蠔、日本海產刺身及世界各地高級食材、海鮮食品等供應。如果嚟緊嘅父親節，想在家為爸爸烹調一頓美食，相信這家海鮮食品店是一個唔錯的選擇。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================