![泰昌餅家的相片 - 太古)]()
「泰昌」的美味蛋撻向來廣為人知，以鬆脆嘅撻皮配滑溜的蛋漿，簡直就是天作之合，所以無論是升斗市民又或是達官貴人，都是其捧場客。如果大家還記得的話，前港督彭定康仲讚過「泰昌」的蛋撻是「全香港最好食」嘅添！
![泰昌餅家的相片 - 太古)]()
早前和食友飯聚，甜姐兒 SSG 竟然買咗個超巨型的「泰昌」蛋撻給我們作為飯後甜品，嘩，sweet 到爆，多謝曬妳的一番美意啊！哈哈，就算當晚食到幾飽都一定會留肚試埋呢個巨撻的。
![泰昌餅家的相片 - 太古)]()
噢，原來這個比起成人手掌還要大的
Jumbo Tart ($58)，直徑有成 7 吋咁大，比起一般蛋撻足足大咗 12 倍，造型趣緻，真係超驚喜，唔怪得一出場就立刻成為全檯食友的焦點啦！聽食友講，原來這個巨撻每日只會供應三個，咁咪即係限量發售，而且仲要係 for Mother’s Day，咁即係平時唔會食到？
![泰昌餅家的相片 - 太古)]()
![泰昌餅家的相片 - 太古)]()
快啲開動試吓先，用力切開蛋撻細看，外層同普通蛋撻一樣，是牛油撻皮，不過原來中央蛋漿部份竟然換上鬆軟的海綿蛋糕、軟滑的忌廉及豐滿的檸檬慕絲，真係夠曬鬼馬，而且入口帶微酸、不甜不膩，令整個蛋糕添加了清新的元素。如果外層的牛油撻皮可以做得更鬆脆，咁就 perfect 喇！
============================================
感謝 mjqueen7e 提供以上資料
mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong
============================================
