![奇華餅家的相片 - 太古)]()
又來補記一篇復活節期間，另一位食友送贈的「復活節禮盒」。其實第一眼看見這盒禮物，真係超驚喜呀！白色盒面以一隻大復活蛋圖案為主題，而且這隻色彩繽紛的巨型復活蛋，除了蛋中有蛋外，還有可愛的小白兔、笑意盈盈的太陽花、嬌豔欲滴的士多啤梨、趣緻的小蝸牛、翩翩起舞的小蝴蝶、慢行的小龜等等，這個充滿童真的小鐵盒，實在太可愛了，既精美又實用，對食友的一番美意，真的要衷心說聲多謝！
![奇華餅家的相片 - 太古)]()
有得睇，當然仲要有得食喇，原來這個 Easter Gift Box，盒內已經載有四款小食同糖果，包括老薑餅、朱古力蛋卷、手製南瓜籽脆糖及手製杏仁小紅莓鳥結糖。
![奇華餅家的相片 - 太古)]()
揭開盒蓋，噢！未知是否自己剛才手粗腳粗，
朱古力蛋卷竟然被弄得粉碎，幸好蛋卷味道完全無損，吃起來質感鬆脆又有香濃的朱古力味，水準唔錯。至於兩包傳統中式
老薑餅，入口不但薑味突出，而且咬落香脆可口，更有驅寒醒胃功效。
![奇華餅家的相片 - 太古)]()
最後兩款糖果
手製南瓜籽脆糖同手製杏仁小紅莓鳥結糖，前者香甜酥脆，吃得人滿嘴留香。至於後者
手製杏仁小紅莓鳥結糖，唔止質感煙韌、杏仁香味出眾，而且甜度亦非常輕怡，無論大人同小朋友都一樣啱食，！
============================================
感謝 mjqueen7e 提供以上資料
mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong
============================================
