試食活動

還有兩個多星期便是聖誕節了，唔知大家準備好節目及聖誕禮物未呢？ 聖誕節向來是個普天同慶的大日子，聖誕聯歡會啦、公司聚餐啦、大小派對等當然唔少得，不過如果俾我揀的話，我還是喜歡留在家中，與至愛親友吃一頓自家製的聖誕大餐，然後再分享聖誕蛋糕，既溫馨又甜蜜。



其實每一個值得慶祝的節日都缺少不了蛋糕的香氣，不過唔知今年的聖誕蛋糕又有甚麼好選擇呢？ 「美心西餅」繼早前推出咗一系列  Hello Kitty  派對蛋糕後，近日餅櫃原來已經換上了新裝，嘩，除了有以法國頂級朱古力 Cacao Barry 製作的 Dome cake 外，竟然還有一棵既食得、又玩得的士多啤梨慕絲蛋糕樹，以嬌俏可人的粉紅色為主調，好靚呀！

自從上星期收到美心公關速遞來的 2 張聖誕蛋糕換領卡後，就一直心思思想快點提取，實在等不及聖誕才試嘛，一於先吃為快。



先試這款外層閃令令，望落去奪目耀眼的 Baileys Chocolate Mousse Cake ($188)。切開蛋糕，原來內裡是由三層慕絲組成，包括入口細膩幼滑的 Baileys 愛爾蘭甜酒慕絲、甜蜜的白朱古力慕絲、濃而不膩的法國 Cacao Barry 60% 朱古力慕絲，再配上朱古力海棉蛋糕，吃得滿口都是濃烈朱古力味，加上朱古力脆珠，令口感進一步提升，果然味美。

至於另一款披上粉紅外衣的 Hello Kitty 聖誕樹 ($158)，其實是以士多啤梨慕絲製作，而且隨蛋糕還會附上 6 塊不同造型的朱古力牌，既有 Hello Kitty 嘜頭的白朱古力、也有嬌俏可人的紅色蝴蝶結、candy stick 等，另外還有不少幻彩星星碎糖，一於和家人齊齊動手 DIY，替這棵聖誕樹裝身。再切開蛋糕，原來中間還夾著味道微酸的士多啤梨果肉及鬆軟的海綿蛋糕，香甜可口，多吃也不覺膩。

其實除上述兩款聖誕蛋糕外，「美心西餅」今年還推出咗一款重達八磅的兩層 3D 立體「開心雪人」蛋糕 ($980，須於 5 個工作天前透過訂購熱線預訂)，據說呢款蛋糕用料來自法國頂級朱古力原材料  Cacao Barry，適合 20 人以上分享，啱曬人多開 party食呢！

唔知大家仲記唔記得我上次介紹過的灰色彩虹版 Hello Kitty Tote Bag 呢？ 由 12 月 2 日起，紅色的聖誕版已經登場喇，如果想更投入聖誕的節日氣氛，就千萬不要錯過了。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================