團購瘋系列 – 近排公司忙到甩轆，搬期大限將至，正所謂《大屋搬細屋、唔見一籮穀》，唉，除了要想辦法安置那些傢俱及文房四寶外，最頭痛的還是要當上擠迫戶，令人非常無奈。好了，言歸正傳，近排咁忙，沒心情到區外覓食，週末只想留在家裡好好休養生息。由於懶媽媽不想做飯，決定去海灣街的 Grove Sandwiches 吃頓輕怡午餐。

由於早前買下了數張三文治及意粉團購券，這次正好大派用場。老公點的辣肉腸磨菇意粉 ($36)，售價比起去年 6 月來吃時，上漲了不少，幸好辣肉腸分量沒偷工減料，入口香辣惹味；而意粉亦細滑輕盈，除了醬汁稍微過辣外，整體食味算是不俗。

當然，對筆者來說，始終還是較喜愛這款依文士雞蘑菇扁意粉 ($36)，加咗依文士忌廉汁的蘑菇意粉，雞肉肉質軟腍，忌廉汁味道亦不太搶，反而入口散發著蘑菇香，配上軟硬度適中扁意粉，簡單好吃。

三文治方面，選了雞肉凱撒 ($29) 及刁草蜜糖芥辣煙三文魚 ($29 + $3) 各一份。本來兩份三文治賣相都不俗，層層疊疊的材料、厚厚的手感，十分吸引，可惜整體水準卻大不如前。幾片麵包又嚡又乾，前者雞肉凱撒，雞肉淡而無味，肉質粗糙，幸好加 $3 點的煙三文魚三文治，三文魚食味尚算不俗，配以蜜糖芥辣，甜辣兼備，令味道更為濃郁。

另每款套餐都會配上是日精選餐湯一客，而筆者就分別試過了特濃蕃茄湯、忌廉粟米湯、周打蜆湯及西蘭花忌廉湯。其實幾款餐湯，水準都算唔錯，就好似特濃蕃茄湯咁，入口茄味濃厚，富歐陸田園風味；忌廉粟米湯，質感香滑濃稠，味道清甜帶粟米香；周打蜆湯雖然用料較少，但都算 creamy 滑溜；而西蘭花忌廉湯，入口盡是攪碎的西蘭花菜蓉，感覺亦蠻健康的。當然味道不能和正宗西餐廳相比，始終是快餐店嘛，不過幾款湯端上來時都夠熱又夠杰，入口滋味不膩，已收貨有餘，而且每份餐湯還會配上口感鬆脆，香草味濃厚的蒜蓉多士一塊，實在值得推介。

餐後再歎番杯熱檸茶及 Mövenpick 即磨咖啡，雖然水準非常一般，但亦能令人帶著愉快心情離開。其實 Grove Sandwiches 一直以便利、健康及美味的食品作賣點，相信頭兩點已算成功，至於美味則仍雖努力。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================