經過蘇杭街，見到開咗間「茶‧包」，除咗出售台茶之外，仲有我至愛嘅豬仔包。聞說這店舖係香港首間以台式茶、港式包姿態打入市場，吸引咗唔少報紙同雜誌嚟做專訪。店名「茶‧包」就是指最合適的好茶，最回味的豬包。其豬包採用較軟熟嘅法國短身麵包，經烤焗至金黄色，外皮香脆，麵包鬆軟，然後才塗上煉奶、牛油、花生醬等，平均每日銷量更可達100個之多。既然講得咁駕勢，加上脆口嘢我一向都唔抗拒，又買嚟試吓先。

花生豬包 ($15) --- 個包一啲都唔脆，軟腍腍咁，花生醬又唔多，而且食唔到粒粒花生，口感一般，仲話乜嘢出名添，唉! 好失望，之前有食評話佢嘅奶油豬柔軟又夠脆，很是美味，莫非是我今天唔好彩定係師傅一時失手呢?

蜜糖豬包 ($15) --- 呢個稍為好少少，起碼個邊邊位有點脆口，但淡淡的蜜糖味並顯得出眾。吃這款包令我想起「勝香園」的檸蜜脆脆，同樣是蜜糖豬仔包，但勝香園每個只售 $8, 而且更為香脆，這裏就要成倍價錢先食到，仲要質素比人差，如果是食水深的話，那麼舖租人工等成本都頗高昂啊!

我不清楚這裏的台式飲品質素如何，據聞這店的奶茶是採用台灣頂級紅茶葉配合自創的中式泡茶方法，加入紅糖，再用手搖方式激烈的來回搖撞，使茶中奶精和冰塊混合而調製出來的。 之前的食評對此店的飲品都有錯的評語，不過售價就一點也不便宜，由 $17 - $22, 比坊間一般台式飲品店貴，如果怕行遠些，其實也可選擇上環地鐵站出口新開的貢茶。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================