美心嘅麵包雖然一點也便宜，但質素算得上穩定，所以我都頗愛去選購麵包、西餅等作早點或下午茶。買咗以下幾款 :-

旋風鬆 ($9.5) --- 每包約有3-4 片厚切麵包，包頂黐著白芝蔴，豬肉鬆以旋風狀藏於方包中，整體感覺一般，只是夾着肉鬆一齊食會令白麵包食落去無咁寡

黄金鬆 ($6.5) --- 呢款包把肉鬆放在麵包頂，因為肉鬆集中喺埋一齊，一口咬落去口感會比食一片片嘅旋風鬆好

芝士棒 ($6.5) --- 呢款好正，可能因為仲熱，始終熱麵包點都係好食啲，加上面頭嘅芝士烘得脆脆地，仲有啲好似粟米般大小嘅芝士粒，咸咸香香，超正，如果撞啱新鮮出爐，必定要試

蛋黄鳳梨酥 ($6) --- 今年初去台灣旅行時曾買過一款「維格餅家」出品嘅鳳梨酥，非常美味，甘香鬆化，而且仲食到粒粒菠蘿，每盒大約新台幣250, 自此改變我原本對鳳梨酥負面嘅睇法，因為以前食過新東陽出品，實令人搖頭嘆息。回港後試過多間餅店的鳳梨酥，始終及維格出品。見美心有鳳梨酥出售，也買個嚟試試。睇咗包裝紙上寫嘅材料包括有鳳梨、冬瓜、鹹蛋黃、麥芽糖等。咬落去個餅皮始終唔夠鬆化，餡料食到係菠蘿醬，無粒粒菠蘿嘅感覺，鹹蛋味唔夠濃，仲咬到少少蛋殼添，睇嚟令人回味嘅鳳梨酥都係要去台灣才可再一嚐了

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================