一家人食完美式晚餐，經過呢度，知亞仔一向愛喝珍珠奶茶，便提議買杯奶茶飲吓，亞仔揀咗近期大熱嘅奶蓋紅茶加珍珠，要咗少冰及少甜 ($14)

聽聞貢茶 2006 年在高雄創立，台灣有十幾間分店，以「古時候呈貢給皇上的絕頂好茶」為目標，主要以一道「奶蓋茶」打天下。 此系列特別在紅、綠或烏龍茶上加上獨家的奶蓋，而奶蓋看上去好似一層厚厚嘅忌廉，奶泡融入奶茶後，散發強烈奶香，所以適宜配搭較濃的紅茶及烏龍茶嚟飲，風味獨特。

講番杯茶，原來呢款茶同平時飲開嗰啲唔同，唔係用密封蓋嘅，杯蓋上貼有好喝秘訣。就係先將杯蓋打開，以口就杯，讓奶泡與茶同時滑入口中，再插入吸管，品嚐原味茶香，攪伴均勻飲用，讓茶香與奶香交融出多層次的絕佳口感。
因為街上人來人往，一路行一路做上述動作會好唔方便，我地已經企埋一邊打開杯蓋，喝完一口後，用飲管攪伴奶茶，但仍然做得有點狼狽，支飲管攪完之後，唔知點插番入個杯蓋度，拿出來揸住又滴到一地都係奶茶，始終都係覺得用密封蓋好啲，情願倒轉搖勻杯奶茶更方便。

杯奶茶我就覺得奶味太重了，蓋過了應有嘅茶味，連亞仔都話佢上次喺日出茶太飲嘅珍珠奶茶比這杯更好飲，唯獨今次揀咗少冰少甜，而少甜即糖份為 80%, 相信咁會健康啲吧。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================