亞仔考完試無咁忙，可以陪我地去食晏晝，上次經過濱海街見有間餐廳有西式同泰式食物供應，咁就決定嚟呢度試吓。
我地大約中午1:00去到，竟然係餐廳內唯一嘅客人。 餐廳環境內好像很有情調，燈光頗昏暗。 侍應話由於啲凍肉未解凍，希望我地盡可能叫泰式嘅餐，所以我地就點咗：-
金不換炒雞肉(跟飯) $39 --- 老公話呢個最好味，我反而覺得一般者，始終我都係喜愛吃香口濃味嘅嘢
炒粉絲 $38 --- 呢個算唔錯，幾香口，啲料又多，可惜啲粉絲炒到黏埋一舊，影響口感
香葉肉碎炒飯 $39 --- 呢個係我認為咁多個餐裏面最好食嘅一個，啲飯一粒粒，炒得好香，又夠乾身，如果可以再辣一點就更惹味了
每個餐均附送羅宋湯一碗，這個湯料多，酸甜度適中，很是滋味，唔錯。

最離奇係亞姐話人手唔夠，不能叫熱飲，只有凍飲供應，唔通凍飲又唔洗人手咩？抑或呢個只係藉口呢？因為凍飲要加$3 一杯嘛。我地分別點選咗凍咖啡、凍檸蜜和凍奶茶，我全部都試過，發現飲品只是一般貨式，始終呢啲餐廳仔唔可以要求太高。 由於忘了帶相機，只好用手機拍攝，可惜餐廳內燈光不足，所以相片質素不佳。埋單合共 $125. 食飽飯，係時候去睇ipod touch 喇。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================