要食最傳統嘅盆菜，如果你唔係有新界圍村嘅親戚朋友，其實平時都幾難可以食得到。而在元朗屏山塘坊村，就有鄧氏宗族後人主理嘅傳統盆菜，賣相縱使唔及連鎖食肆及高級酒家嘅盆菜咁豪華，但食落就令人感覺好有風味！
![]( "230211-01")
|
| 用料相當豐富 |
盆菜除有花菇，豬肉枝竹外，更有例牌三寶嘅豬皮蘿蔔魚蛋，屏山神仙雞，炸門鱔等，用料相當豐富。炸門鱔係坊間較少見嘅配料，外皮炸得非常香脆，入面嘅鱔肉亦鮮嫩滑溜，不過魚骨頗多，食果陣真係要格外小心。而神仙雞雞味十足，肉身夠滑夠入味，雞皮油脂唔多，怕肥嘅朋友亦不妨可以連皮食！
呢份盆菜其實有不少地方要改善，豬皮過腍無咬口，蘿蔔夠淋但唔入味，的確係有點失敗。但其實呢度個醬汁非常香濃，花菇枝竹尤其索味，用黎送飯就最好不過。然而呢度提供嘅並唔係普通白飯，而係屏山獨有嘅「雞鴨飯」...
![]( "230211-02")
|
| 獨有雞鴨飯 |
屏山獨有雞鴨飯賣相尤如炒飯再加入燒味檔嘅下欄料，賣相完全無特別，但食落卻又被精彩嘅香味吸引，飯粒混入疑似榨菜及蝦米一齊炒，再加上雞肉鴨肉而成，口感一絕！
呢度嘅地點雖然較偏僻，但要追尋傳統味道，就必需要不怕艱辛，就算車程漫長亦在所不計，所以呢盆係值得的！
屏山傳統盆菜元朗屏山屏廈路塘坊村36號地下
============================================
感謝 kent1012 提供以上資料
kent1012http://www.kentxfood.com/
============================================
