到銅鑼灣食日本菜，去澳門逸園中心必定令你眼花撩亂，17間食肆中日本食店已佔12間，選擇之多冠絕全區。其中壽司處今村，板前割煮都具一定水準，而今次試過天喜磯味酒處後，在我心目中排名會係整幢大廈中排名暫時最高的一間...
![]( "241010-01")
|
| 前菜已暗來一個下馬威 |
上嘅前菜正是我好中意食嘅蛋卷，雖然唔係四四方方上面打個印果隻，但呢份蛋卷食落夠晒蛋味，咬落亦夠鬆軟，好味。這份前菜絕對令人信心大增，有期待的...
![]( "241010-02")
|
| 蟹膏沙律一試就愛上 |
呢度嘅沙律我係絕對推介的，款式多元化，味道亦好。呢份蟹膏沙律份量都唔少，配上魚子，蟹柳絲，蔬菜及酸汁，口感複雜豐富，食落清新又醒胃，相信女士們試過之後，必定追捧！
![]( "241010-03")
|
| 酒盜芝士 佐酒必備 |
再來嘅係一份佐酒必食小吃 - 酒盜芝士。大大條北海道忌廉芝士，配上魚腸，係一個絕佳嘅味道配搭。魚腸聞落濃香，食落爽韌而帶鮮腥感覺，再配上軟滑細膩嘅芝士條，果然係佐酒絕對不能缺少的。
![]( "241010-04")
|
| 秋刀魚肥美新鮮 |
十月食刺身，必食秋刀魚。呢度嘅秋刀魚相當肥美，價錢亦划算，配上生薑茸及酸醋汁，口感實在豐美甘腴，絕對係一種令人難忘嘅感覺。其實我之前亦多次介紹秋刀魚刺身($220)，只要是夠肥美新鮮，絕對不難搵到好味的，當然以價錢及其他食物質素配套來計，天喜絕對是值得推介的。
![]( "241010-05")
|
| 十月食刺身，必食秋刀魚 |
![]( "241010-06")
|
| 留俾有緣人細嚐吧... |
食剩嘅秋刀魚骨及魚頭，拎去炸香。我雖然不食熟魚，但香味仍然覺得相當討好，聽友人所講，味道係有驚喜的。始終秋刀魚屬多骨魚，對於我來說更加係惡夢，都係留俾有緣人細嚐吧！
![]( "241010-07")
|
| 貴得有道理?! |
除左預定嘅秋刀魚外，侍應強烈推介岩蠔，價錢雖然唔算平，但最後亦引唔住點選呢個時令菜式。吃慣生蠔的朋友，通常會食歐美各地，或是澳洲南非進口貨。但體型較巨大嘅日本野生岩蠔，絕對俾大家一種不一樣嘅味道。蠔肉肥美無比，入口滑溜鮮爽，怪不得$150一隻仍然大把人捧場。
![]( "241010-08")
|
| 鮮味無窮嘅孖寶 |
食左幾味菜，始終都想有啲澱粉質到肚，見到海鮮卷在餐牌上有大特寫圖片，賣相極吸引。六件吞拿魚小卷上，加上兩樣鮮味十足嘅海膽同魚籽作點綴，睇見都口水流。似乎呢對橙黃色孖寶，的確增添不少鮮味及貴氣。
![]( "241010-09")
|
| 麵豉醬搶晒鏡 |
呢度嘅鹽燒厚切牛舌相當有驚喜，驚喜之處其實不在串燒技巧上，牛舌本身亦非有過人之處，而係驚喜在於果份麵豉醬！當然牛舌本身都有一定水準，肉身嫩滑，表層燒得有點脆。蘸上醬料，混上肉汁果然倍感風味。
![]( "241010-10")
|
| 完美的句號! |
食過精彩嘅一餐晚飯，甜品係一個很重要嘅句號。奉送嘅紅豆羊羹味道唔太甜，豆味較淡口，但食落清爽好味，令今晚變得更完美了！
天喜磯味酒處
銅鑼灣軒尼斯道523-527號澳門逸園中心28樓
============================================
感謝 kent1012 提供以上資料
kent1012http://www.kentxfood.com/
============================================
