香港人工作繁忙，要在尖沙咀鬧市中搵一個速食午餐實在不易，非連鎖店又有質素更加唔易搵，今次推介俾大家呢間位於樂道嘅Big John，絕對抵食又好味，尤其係果度嘅格仔餅小食，簡直令人回味無窮呀！
![]( "130710-01")
|
| 自助形式，不過高櫈坐得唔係太舒服 |
Big John係自助形式，落單俾錢後自己搵個高位坐，環境都算舒服，不過呢類高櫈坐得唔係太舒服，不過速食就係咁，問題不大...
![]( "130710-02")
|
| 薑蔥豉油撈丁套餐抵食 |
![]( "130710-03")
|
| 薑絲好味到暈 |
薑蔥豉油撈丁套餐包一款小食同飲品盛惠$39，可以再加錢轉其他特飲，價錢唔算貴，今次我叫左薑蔥豉油雞扒撈丁，老闆娘推介嘅黑椒汁另上，望落已經令人流晒口水... 講起薑蔥豉油撈丁，大家都一定會諗起蘭芳園，我對蘭芳園唔係咁有好感，因為味道實在太鹹，呢度就無果個問題，正！值得留意係呢度薑蔥，用料非常正，尤其係砌得粗身嘅薑絲咬落微辣，食落香味十足正到暈!
![]( "130710-04")
|
| 淋上黑椒汁夠惹味 |
![]( "130710-05")
|
| 混埋碗底部醬油，整碗麵加晒分！ |
食之前淋上黑椒汁上煎得香脆嘅雞扒同薑絲上面，兩種辣味撈埋一齊真係好惹味呀！至於麵質方面食落其實無乜特別，一如所料出前一丁嘅味道，但混埋碗底部的醬油，整碗麵加晒分！
呢度凍飲要加兩蚊，加夠三蚊有杯凍檸賓或者紅豆冰，天時暑熱飲返杯，真係透心涼，好Refresh~~！
![]( "130710-06")
|
| 格仔餅包你一食就愛上 |
食完碗麵先至會送上新鮮熱辣辣嘅格仔餅，夠晒貼心！簡簡單單嘅一份格仔餅，上面搽滿牛油，煉奶同埋粗粒花生醬，外層脆卜卜，入面食落少少煙韌，真係正到不得了，我一啖就愛上了！
![]( "130710-07")
|
| 喺曼聯餐廳對面馬路 |
Big John位置唔難搵，正正喺曼聯餐廳對面馬路。不過大家留意下營業時間，佢地夜晚８點就收舖，要去就要早喇～！
Big John
尖沙咀樂道17號地下
============================================
感謝 kent1012 提供以上資料
kent1012http://www.kentxfood.com/
============================================
